މެލޭޝިއާއިން ހޮނިހިރު ދުވަހު އެކަނިވެސް ކޮވިޑް-19ށް 37 މީހަކު ޕޮޒިޓިވްވެއްޖެއެވެ.
މީޑިއާގެ ރިޕޯޓުތަކުގައިވާގޮތުން މެލޭޝިއާގެ ކުއާލާލަމްޕޫރުން ހޮނިހިރު ދުވަހު ކޮވިޑް-19ށް ޕޮޒިޓިވްވި 37 ކޭސްއެއް ރިޕޯޓުކޮށްފައިވާ ކަމަށެވެ. މިއާއެކު މިހާރު ޖުމްލަ އަދަދު ވަނީ 8303 އަށް އަރާފައެވެ.
މީގެ އިތުރުން ކޮވިޑް-19އަށް ފަރުވާ ހޯދަމުން ދިޔަ މީހެއް ވެސް ހޮނިހިރު ދުވަހު ވަނީ މަރުވެފައެވެ. މިއާއެކު ޖުމްލަ މަރުވި މީހުން އަދަދު ވަނީ 117ށް އަރާފައެވެ.
ކޮވިޑް-19 ފެތުރެމުންދާތީ މެލޭޝިއާ ސަރުކާރުން ވެސް ވަނީ ރައްކާތެރިވުމުގެ ގޮތުން ހަރުކަށި، ގިނަ ފިޔަވަޅުތަކެއް އަޅާފައެވެ.
އެގޮތުން މެލޭޝިއާ ސަރުކާރުން އެގައުމުގެ އެކި ސަރަހައްދުތަކުގައި ގަވާއިދާ ޚިލާފަށް ދިރިއުޅޭ އެހެން ގައުމުތަކުގެ މީހުން ހައްޔަރު ކުރުމުގެ ޚާއްސަ އޮޕަރޭޝަނެއް ވެސް ވަނީ ފަށާފައެވެ.
