ކުލިއަރ ނުކޮށް ބަނދަރުގައި ހުރި ކޮންޓެއިނަރތަކުން 10 ޖޫން ގެ ފަހުން ސްޓޯރޭޖް ފީ ނެގުމަށް އެމްޕީއެލުން ނިންމައިފި
30 މެއި 2020 | ހޮނިހިރު 11:04ފުރަބަންދު މުއްދަތުގައި ސްޓޯރޭޖް ފީ ނުނަގާ ގޮތަށް ހަމަޖައްސާފައިވޭ
ވިޔަފާރި ބަނދަރުގައި މުދާ ކްލިއަރ ކުރުމުގެ މަސައްކަތްތައް ކުރަނީ
މާލޭ ކޮމާޝަލް ހާބަރާއި ހުޅުމާލޭ ޓާރމިނަލްގައި ކުލިއަރ ނުކޮށް ބަނދަރުގައި ހުރި ކޮންޓެއިނަރތަކުން 10 ޖޫން ގެ ފަހުން ސްޓޯރޭޖް ފީ، ނެގުމަށް ނިންމައިފި އެވެ.
މޯލްޑިވްސް ޕޯޓްސް ލިމިޓެޑް (އެމްޕީއެލް) އިން ބުނީ ކޮވިޑް-19 ރޯގާ އާ ގުޅިގެން މާލެ ސަރަޙައްދު 15 އޭޕްރީލް 2020 އިން ފެށިގެން ފުރަބަންދު ކޮށްފައިވާތީ، މާލޭ ކޮމާޝަލް ހާބަރާއި ހުޅުމާލޭ ޓާރމިނަލްގައި ކުލިއަރ ނުކޮށް ހުރި މުދަލަށް ފުރަބަންދު މުއްދަތުގައި ސްޓޯރޭޖް ފީ ނުނަގާ ގޮތަށް ހަމަޖައްސާފައިވާ ކަމަށެވެ.
ނަމަވެސް މި ގޮތަށް ހަމަޖެއްސުމާ ގުޅިގެން މުދާ އެތެރެ ކުރާ ގިނަ ފަރާތްތަކުން މުދާ ކްލިއަރ ކުރުމަށް އިސްކަންދީފައި ނުވުމުގެ ސަބަބުން، މުދަލާއެކު ގިނަ ކޮންޓެއިނަރ ތަކެއް މާލޭ ވިޔަފާރި ބަނދަރުގައި ބަހައްޓަން ޖެހި ބަނދަރު ތޮއްޖެހިފައިވާ ކަމަށް އެމްޕީއެލުން ބުނެ އެވެ.
އެމްޕީއެލުން ބުނީ މިހެން ވުމުގެ ސަބަބުން މުދާ ހިފައިގެން އަންނަ އިތުރު ބޯޓުތަކުން މުދާބާލައި ބަހައްޓާނެ ޖާގަ ނެތި ވިޔަފާރި ބަނދަރުގެ އޮޕަރޭޝަން ތަކައް ބުރޫ އަރައި ބޯޓު ފަހަރުން ކޮންޓެއިނަރ ބޭލުމުގައި ދަތިތަކާ ކުރިމަތިވަމުންދާ ކަމަށެވެ.
މީގެ އިތުރުން ރަމަޟާން މަސް ނިމިފައިވާތީ ބަނދަރުގެ އޮޕަރޭޝަން ތަކުގެ ގަޑިތައް އިތުރު ކުރުމަށް ހަމަޖެހިފައިވުމާއި އަދި މާލޭ ސަރަހައްދުގެ ފުރަބަންދަށް ލުއިތަކެއް ދީފައިވުމުން މުދާ ނެރޭ ފަރާތްތަކަށް ދަތި އުނދަގޫކަމެއްނެތި މުދާ ކްލިއަރ ކުރެވޭނެ އިންތިޒާމްތައް ހަމަޖެހިފައިވާ ކަމަށް އެމްޕީއެލުން ބުނެ އެވެ.
އެމްޕީއެލުން ބުނީ މިހާރު ކްލިއަރ ނުކޮށް ބަނދަރުގައި ހުރި ކޮންޓެއިނަރތަކަށް 10 ޖޫން 2020 ގެ ފަހުން ސްޓޯރޭޖް ފީ، ނެގުމަށް ނިންމާފައިވާ ކަމަށެވެ.
ފީ ނެގުމަށް ނިންމާފައިވާ އުސޫލުތަކަކީ:-
އެމްޕީއެލުން ބުނީ މި ބަދަލާއެކު އެމްޓީ ކޮންޓެއިނަރ ސްޓޯރޭޖް ކުރިންވެސް ނަގަމުން ދިޔަ އުޞޫލުން 11 ޖޫން 2020 އިން ފެށިގެން ނެގުމަށް ހަމަޖެހިފައިވާ ކަމަށެވެ.
