މިމަހުގެ 31 ވަނަ ދުވަހު ހުރިހާ ބޭންކެއް ބަންދުވާނެ
10 ޑިސެމްބަރު 2017 | އާދީއްތަ 06:54އެމްއެމްއޭގެ ބޭންކިންގ ޚިދުމަތްތައް ބަންދު ދުވަހެއް
ދިވެހިރާއްޖޭގެ މަރުކަޒީ ބޭންކު، އެމްއެމްއޭ
މިމަހުގެ 31 ވަނަ ދުވަހަކީ މޯލްޑިވްސް މަނިޓަރީ އޮތޯރިޓީ(އެމްއެމްއޭ) ގެ ބޭންކިންގ ޚިދުމަތްތައް ބަންދު ދުވަހެއް ކަމަށް އިއުލާނުކޮށްފި އެވެ.
މަރުކަޒީ ބޭންކު، އެމްއެމްއޭ އިން ކުރި އިއުލާނެއްގައިވާ ގޮތުގައި މިއަހަރު އެ އޮތޯރިޓީއިން ބޭންކިންގ ޚިދުމަތް ދިނުމަށް ހަމަޖެހިފައިވާ ފަހު ދުވަހަކީ މިމަހުގެ 28 ވާ ބުރާސްފަތި ދުވަހެވެ. އަދި މިމަހުގެ 31 ވާ އާދީއްތަ ދުވަހަކީ ބޭންކިންގ ޚިދުމަތްތައް ބަންދު ދުވަހެއް ކަމަށް ވެސް އެ އިއުލާނުގައިވެއެވެ.
އެމްއެމްއޭގެ ބޭންކިންގ ޚިދުމަތް ކޮންމެ އަހަރެއްގެ ވެސް އަހަރު ނިމޭ ދުވަހު ބަންދުކުރާތީ، ރާއްޖޭގެ ހުރިހާ ބޭންކުތަކެއް އަހަރު ނިމޭ ދުވަހު ބަންދުކުރެ އެވެ. ކޮންމެ އަހަރެއްގެވެސް، އަހަރު ނިމޭ ދުވަހު ބޭންކުތައް ބަންދުކުރުމަށް ފަހު، ބޭންކުތައް އޮޑިޓް ކުރެއެވެ.
