ފިތުރު އީދާ ގުޅިގެން އުރީދޫ މޯލްޑިވްއިން އުރީދޫ އީދު ޝޯވ 2020 ގެ ނަމުގައި ޑިޖިޓަލް މިއުޒިކް ޝޯވއެއް އިންތިޒާމު ކޮށްފި އެވެ.

އުރީދޫން ބުނީ ފިތުރު އީދަކީ އާންމު ގޮތެއްގައި އާއިލާއާއި ގާތްތިމާގެ މީހުންނާއި ރައްޓެހިނަށް ޒިޔާރާތްކޮށް، އީދު ސާލާން ބަދަލު ކޮށް، އެންމެން އެއްކޮށް ކާލާ އުފާވެރި ވަގުތުތަކެށް ހޭދަކުރާ ދުވަހެއް ކަމަށެވެ.

ނަމަވެސް މިއަހަރުގެ އީދަކީ އެހެން އަހަރުތަކާ ޚިލާފަށް ގޭގައި، އެންމެ ގާތް އަދި ލޯބިވާ މީހުންނާ ދުރުގައި ހޭދަ ކުރަންޖެހިފަވާ އީދެއްކަން ފާހަގަކޮށް އުރީދޫއިން ބުނީ މި ދަނޑިވަޅުގައި، ދިމާވެފައިވާ ގޮންޖެހުން ތަކާއެކު ގޭގައި ތިބެގެން އުފާވެރި، ކުލަގަދަ އީދެއް ފާހަގަ ކުރުމުގެ ފުރުސަތު ފަހި ކޮށްދިނުމުގެ ގޮތުން އުރީދޫ އީދު ޝޯވ 2020 ގެ ނަމުގައި ޑިޖިޓަލް މިއުސިކް ޝޯއެއް އިންތިޒާމު ކޮށްފައިވާ ކަމަށެވެ.

އުރީދޫން ބުނީ ޝޯވ ގައި ރާއްޖޭގެ މަޝްހޫރު އަދި ކުޅަދާނަ ފަންނުވެރިންތަކެއް ފެނިގެންދާނެ ކަމަށެވެ. އޭގެ ތެރެއިން ޒަކިއްޓެ، އަންޔާ، މީރާ، ޝަންމޫނު، ހަބޭސް އިންޑީ، ހަބޭސް ތޮލާ، އިބްރާހިމް ވަހީދު - ބޮޑުބެ އަދި ޒަމާނުއްސުރެ ދިވެހިންގެ މަގުބޫލުކަން ހޯދާފައިވާ ކުޅަދާނަ ގިޓާ ކުޅުންތެރިޔާ ފަސީ ލައިވް ހިމެނެއެވެ.

ކޮވިޑް-19 އާއި ގުޅިގެން ފްރޮންޓްލައިންގައި މަސައްކަތް ކުރާ ފަރާތްތަކުގެ މަސައްކަތް ފާހަގަކޮށް އެފަރާތްތަކަށް އުރީދޫން ވަނީ ޚާއްސަ ތަހުނިޔާއެއް ފޮނުވާފަ އެވެ.

އުރީދޫ ޢީދު ޝޯ ބޭއްވުމަށް ހަމަޖެހިފައި ވަނީ 24 މޭ، ރޭގަނޑު 9 އެއް ޖަހާއިރު އުރީދޫ މޯލްޑިވްސްގެ ޔޫޓިއުބް ޗެނަލްގަ އެވެ. އުރީދޫ މޯލްޑިވްސްއިން އިން، ގޭގައި ތިބެގެން ކުލަގަދަ ޢީދު ޝޯވގައި ބައިވެރިވުމަށް ވަނީ ދައުވަތު އަރުވާފަ އެވެ.

ޝޯވ ބާއްވަން ހަމަޖެހިފަވާ ގަޑީގައި އުރީދޫ މޯލްޑިވްސް ގެ ސޯޝަލް މީޑިއާ މެދުވެރުކޮށް ނުވަތަ މި ލިންކް:https://youtu.be/sbOE8ILzos0މެދުވެރިކޮށް ވެސް ޝޯވ ބަލާލެވޭނެ އެވެ.