ފިލްމް ސެޓަށްދާން ކެތްމަދުވެފައި މިހުރީ: ކްރްތީ ސެނޯން

ފިލްމުގެ ސެޓަށް ދާން ކެތްމަދުވެފައި ހުރި ކަމަށް ބޮލީވުޑްގެ އަރަމުން އަންނަ ތަރި ކްރިތީ ސަނޯން ބުނެފި އެވެ.

ހިރޯޕަންތީން ބޮލީވުޑަށް ނުކުތް ކްރިތީ ސެނޯން ފިލްމީ އިންޑަސްޓްރީއަށް ނިކުތްތާ ހަ އަހަރުވުމާއި ގުޅިގެން އޭނާ އިންސްޓަގްރާމްގައި ކޮށްފައިވާ ޕޯސްޓެއްގައި ބުނެފައި ވަނީ ފިލްމު ސެޓްތަކުގައި މަސައްކަތްކުރުމަށް ކެތްމަދުވެފައިވާ ކަމަށެވެ. ކްރިތީ ޕޯސްޓުކޮށްފައި ވަނީ އެނާގެ ފުރަތަމަ ފިލްމު ހިރޯޕަންތީންގެ ޕޯސްޓަރެވެ.

އޭނާ ބުނެފައި ވަނީ އެ ފިލްމަށް މިއަދު ހަ އަހަރު ވެފައި ވާއިރު، ބޮލީވުޑްގައި ވެސް އެނާ އަށް ހަ އަހަރުވެފައިވާ ކަމަށެވެ. މި ފިލްމުގެ ޕޯސްޓަރާއެކު އެނާ ފުރަތަމަ ބޮލީވުޑަށް ނުކުމެވެފައިވާއިރު، އަދި ވެސް ފިލްމީ ދާއިރާއިން ކުރިއަށްދާން ތައްޔާރަށް ހުރި ކަމަށް ކްރުތީ ސެނޯން ބުންޏެވެ.

ހީރޯޕަންތީ ގައި ކްރިތީ ފެނިގެން ގޮސްފައިވަނީ ޓައިގަރ ޝްރޮފް އާއެކު ގައެވެ. މި ފިލްމަކީ ސައްބިރް ޙާން ޑައިރެކްޓްކޮށްސާޖިދްނަދިއާދްވާލާ ޕްރޮޑިއުސްކޮށްފައިވާ ފިލްމެކެވެ.

ހީރޯ ޕަންތީގެ ސީކުއަލް އެއް ހަދަން ނިންމާފައިވާއިރު މި ސީކުއަލް ޑައިރެކްޓް ކުރާނީ އަހްމަދް ޙާން ކަމަށް ޙަބަރުތައް ބުނެ އެވެ. މި ފިލްމުގެ ސީކުއަލް 2021 ވަނަ އަހަރު ރިލީޒްކުރަން ހަމަޖެހިފައި ވީ ނަމަވެސް ކޮވިޑް 19 ގެ ސަބަބުން ރިލީޒްކުރާ ތާރީޙް އަށް ބަދަލުތަކެއް އައުން އެކަށީގެން ވެއެވެ.