ޓްރާންސިޓް ކަރަންޓީން ފެސިލިޓީގެ ގޮތުގައި ބޭނުންކުރަނީ ޖުމުލަ 7 ރިސޯޓެއް: އަލީ ވަހީދު
ޖުމްލަ 7 ޓްރާންސިޓް ކަރަންޓީން ފެސިލިޓީސް އެބަހުރި
ޓުއަރިޒަމް މިނިސްޓަރ ކަރަންޓީން ފެސިލިޓީއެއް ބައްލަވާލެއްވުން
ރަށްރަށުން ކުރު މުއްދަތަށް މާލެ އައިސް މާލޭގައި ތާށިވެފައި ތިބި މީހުން ރަށަށް ދިއުމުގެ ކުރިން ކަރަންޓީން ވުމަށް "ޓްރާންސިޓް ކަރަންޓީން ފެސިލިޓީސް" ގެ ގޮތުގައި ޖުމުލަ 7 ރިސޯޓެއް ބޭނުންކުރަމުން އަންނަކަމަށް ޓުއަރިޒަމް މިނިސްޓަރ އަލީ ވަހީދު ވިދާޅުވެއްޖެ އެވެ.
މިނިސްޓަރ ވިދާޅުވީ، މިހާރު ޖުމުލަ ބޭނުންކުރަމުން ދަނީ 7 ތަނެއްކަމަށާއި އައިސޮލޭޝަނަށް ދަތި ނުވެ ފުރަބަންދުގައި ކަަރަންޓީން ކުރިޔަށް ގެންދެވޭނެ ކަމަށެވެ. މިނިސްޓަރ ވަނީ މި ދަނޑިވަޅުގައި ކެތްތެރިކަމާއެކު ހިތްވަރު ގަދަ ކުރުމަށް އިލްތިމާސް ކުރައްވާފަ އެވެ. ޓްރާންސިޓް ކަރަންޓީން ފެސިލިޓީގެ ގޮތުގައި އައްޑޫ، ދ، ޅ، އަދި ރ އަތޮޅުގައި ވާ ރިސޯޓުތަކެއް ދަނީ ބޭނުން ކުރަމުންނެވެ. އަދި ހދ، ފ، އަދި މ އަތޮޅުން 3 ރިސޯޓު ވަނީ ހަމަޖެހިފައެވެ.
ރަށަށް ދާން ބޭނުންވާ މީހުންގެ އަދަދު 5000ށް އަރާފައި ވާއިރު ރަށްރަށަށް ދިއުމުގެ ކަރަންޓީންވާން ޖެހޭއިރު އިތުރު ފެސިލިޓީތަކެއް ހަމަޖައްސާނެ ކަމަށް މީގެ ކުރިން ސަރުކާރުން ވަނީ ހާމަކޮށްފަ އެވެ.
