ލުބުނާންގައި އަނެއްކާ ވެސް 4 ދުވަހުގެ ފުލް ލޮކްޑައުންއެއް!
12 މެއި 2020 | އަންގާރަ 21:08ކުއްލި އަކަށް ކޭސްތައް ވަނީ އިތުރުވެފައި
ލުބުނާންގައި ކޮވިޑް-19 ދަނީ ހަލުވި މިނެއްގައި ފެތުރެމުން
ލުބުނާންގައި ދެވަނަ ފަހަރަށް ކޮވިޑް-19 ފެތުރުނަ ނުދިނުމަށް ހަތަރު ދުވަހުގެ ފުލް ލޮކްޑައުން ދިއުމަށް ނިންމައިފި އެވެ.
މީޑިއާތަކުގައި ރިޕޯޓުކޮށްފައިވާ ގޮތުގައި ލުބުނާންގެ ރައީސް އަދި ކެބިނެޓް މިނިސްޓަރުން ބޭއްވި ބައްދަލުވުމަށްފަހު ނިންމާފައިވަނީ ދެވަނަ ފަހަރަށް ކޮވިޑް-19 ފެތުރުނަށް ނުދިނުމަށްޓަކައި ހަތަރު ދުވަހުގެ ފުލް ލޮކްޑައުންއަށް ދިއުމަށް ނިންމާފައިވާ ކަމަށެވެ.
މިގޮތަށް މިކަން ކޮށްފައިވަނީ މިދިޔަ ދުވަސްތަކުގައި ކޮވިޑް-19ގެ ކޭސްތައް ކުއްލިއަކަށް ވަރަށް ބޮޑުތަން މައްޗަށް ޖެހިލާފައިވަނިކޮށެވެ. ކުއްލިއަކަށް މިހާ ގިނަ އަދަދެއްގެ ކޭސްތައް ފެނިފައިމިވަނީ ސަރުކާރުން ބޮޑެތި ދޫތަކެއް ދީފައި ވަނިކޮށެވެ.
މިލޮކްޑައުން ފެށުމަށް ހަމަޖައްސާފައިވަނީ ބުދަ ދުވަހުގެ ރޭގަނޑުގެ ކަމަށް ސަރުކާރުން ހާމަކޮށްފައި ވެއެވެ. ލުބުނާންގައި ކޮވިޑް-19 ހަލުވި މިނެއްގައި ފެތުރެމުންދާއިރު، މިހާތަނަށް 600ށްވުރެ ގިނަ ކޭސް ރިޕޯޓުކޮށްފައިވެއެވެ. އަދި 26 މީހަކު މަރުވެފައި ވެއެވެ.
