ރަށެއްގައި ބޮލީވުޑްގެ އެކްޓަރެސް އަކާއިއެކު ހައްޔަރުވާން ޖެހިއްޖެނަމަ ބޭނުންވަނީ ކަރީނާ އާއި އެކު ދުވަސްތަށް ހޭދަކުރަމަށް ކަމަށް ބޮލީވުޑްގައި އަރަމުން އަންނަ ތަރި ކާތިކް އާރްޔަން ބުނެފި އެވެ.
އިންޓަވިއުއެއްގައި ކާތިކް މިހެން ބުނެފައި ވަނީ ރަށެއްގައި ހައްޔަރުވާން ޖެހިއްޖެނަމަ ހައްޔަރުވާނީ ކާކާއި އެކުތޯ ސުވާލުކުރުމުންނެވެ. އެއީ ކަރީނާ ކަޕޫރް ޙާން ކަމަށް ބުނެ ކާތިކް ބުނީ އެއީ އޭނާ އަށް އެންމެ ކަމުދާ އެކްޓަރު ކަމަށެވެ.
ލޮކްޑައުންގައި ހުއްޓަސް ކާތިކްގެ ފޭނުން ހިތްހަމަޖެއްސުމަށް އޭނާ ދަނީ ގިނަ ކަންތައްތަކެއް ކުރަމުންނެވެ. އެގޮތުން މަޖާ ވީޑިއޯތައް އާއިލާ މީހުންނާއި އެކު ކުޅެ އޭނާ ދަނީ ޕޯސްޓް ކުރަމުންނެވެ. އަދި ދާދި ފަހުން އޭނާ ވަނީ ޔޫޓިއުބްގައި ޓޯކް ޝޯވ އެއް ފައްޓާފަ އެވެ. މި ޓޯކް ޝޯވ ގެ ނަމަކީ "ކޮކީ ޕުޗޭގާ" އެވެ.
ކާތިކް ދެން ފެނިގެންދާނީ " ދޯސްތާނާ 2" އަކުން ޖާންވީ ކަޕޫރް އާއިއެކުގަ އެވެ. އަދި އަނީސް ބަޒްމީގެ "ބޫލް ބުލައްޔާ 2" އިންވެސް ފެނިގެންދާނެއެވެ. މި ފިލްމުގައި ކާތިކް ފެނިގެންދާނީ ކިއަރާ އަދްވާނީ އާއެކުގަ އެވެ.
