ކެޓްރީނާއަށް އަނިޔާ ވުމުގެ ސަބަބުން ބަދަލުގައި ކަރީނާ ނަށައިފި
ކަރީނާ ވަނީ ހަތަރު ޚާންގެ ޓްރިބިއުޓެއް ހުށަހަޅާފަ
ކަރީނާ ކަޕޫރު
ހޮނިހިރު ދުވަހުގެ ރޭ ބޭއްވި ޒީ ސިން އެވޯޑްސް 2017 ގައި ބޮލީވުޑް އެކްޓްރެސް ކެޓްރީނާ ކައިފް ޕާރފޯމް ކުރަން އޮތް ނަމަވެސް "ޖައްގާ ޖާސޫސް" ގެ ސެޓްގައި ލިބުނު އަނިޔާގެ ސަބަބުން ޕާރފޯމް ނުކުރެވިއްޖެ އެވެ.
"ޖައްގާ ޖާސޫސް" ގެ ސެޓްގައި ޝޫޓިން ކުރިއަށް ދިޔަ ވަގުތު ކެޓްރީނާ ކަނދުރާ މައްޗަށް ބަރު އެއްޗެއް ވެއްޓި ބުރަކއްޓާއި ކަނދުރާއަށް އަނިޔާ ވުމުގެ ސަބަބުން ޑޮކްޓަރުންވަނީ ހެލިފެލިވެ އުޅުން މަނާކޮށްފައެވެ. އަދި އަރާމު ކުރުމަށް ވެސް ކެޓްރީނާއަށް ވަނީ ޑޮކްޓަރުން އަންގަފައެވެ.
މި ޝޯގައި ކެޓްރީނާގެ ބަދަލުގައި ޕާފޯމް ކޮށްފައިވަނީ ކަރީނަ ކަޕޫރެވެ. ކަރީނާ ވަނީ ބޮލީވުޑޤގެ އެންމެ ވިދަމުން އަންނަ ހަތަރު ޚާން ކަމުގައިވާ ޝާހްރުކް ޚާން، ސަލްމާން ޚާން، އާމިރު ޚާން އަދި އޭނާގެ ފިރިމީހާ ސައިފްއަލީޚާންގެ ޓްރިބިއުޓެއް ހުށަހަޅާފައެވެ.
މީގެ އެންމެ ޝައުގު ވެރިވެރި ކަމަކީ ކަރީނާ ވަނީ މި ހަތަރު ސްޓާރުންނާއި ފިލްމްތަކުގައި މަސައްކަތް ކޮށްފައެވެ.
އެގޮތުން ކަރީނާ ވަނީ އެތަރިންނާއި އެކު ކުޅެފައިވާ ފިލްމްތަކުގެ ތެރެއިން ސަލްމާން ޚާން އާއި އެކު ކުޅެފައިވާ ބަޖްރަންގީ ބައިޖާން، އާމިރު ޚާން އާއި އެކު ކުޅެފައިވާ 3 އިޑިއޮޓްސް، ސައިފަ އާއި އެކު ކުޅެފައިވާ ތާޝަން، އަދި ޝާހުރުކްގެ ރާވަން ގެ ލަވަތަކަށް ހިމަނައިގެން ޕާރފޯމް ކޮށްފައެވެ.
ޒީ ސިން އެވޯޑްސް 2017 ގައި ކަރީނާ ހުށަހަޅާއިދިން މި ނެށުމަކީ އޭނާގެ ދަރިފުޅަށް ބަލިވެ އިންކަން އިއުލާން ކުރި ދުވަހުން ފެށިގެން ވިހޭފަހުންވެސް އެނާގެ ފުރަތަމަ ސްޓޭޖް ޕާރފޯމަންސް އެވެ.
