ބޮލީވުޑް ސްޓާ ސައިފް އަލީ ޚާން އާއި އޭނާގެ ކުރީގެ އަންހެނުން އަމްރީތާ ސިންގް ދެ އަންހެން ދަރިފުޅު ސާރާ އަލީ ޚާން ބޮލީވުޑަށް ނިކުންނަން އުޅޭ އަޑު ފެތުރިވާތާ ދުވަސްތަކެއް މިވަނީ ވެފައެވެ.
ޚަބަރުތައް ބުނާ ގޮތުން ސާރާ ބޮލީވުޑަށް ނިކުންނަނީ މަޝްހޫރު ފިލްމް ޑައިރެކްޓަރު ކަރަން ޖޯހަރުގެ ކުޑައިގެ ދަށުގައެވެ. އަދި ސާރާ ބޮލީވުޑަށް ނިކުންނާނީ ކަރްނަޖޯހަރުގެ ދަރްމާ ޕްރޮޑަކްޝަން އިން ކަމަށް އޭނާގެ ބައްޕަ ސައިފް އަލީ ޚާން ވެސް ވަނީ ބުނެފައެވެ.
ބޮލީވުޑަށް އަލަށް ނިކުންނަ ތަރިން ކޮންމެ ވެސް ޚާންއަކާ އެކު ކެރިއަރ ފަށަން ބޭނުންވި ނަމަވެސް ސާރާ އެކަމަށް ޝައުގުވެރިކަމެއް ނެތް ކަމަށާއި ސާރާ ބޭނުންވަނީ މީގެ ހަތް އަހަރު ކުރިން ރަންވީރު ފިލްމީ ދާއިރާއަށް ނުކުތް އިރުން ފެށިގެން އޭނާއަށް އެންމެ ކަމުދާ ތަރިންގެ ލިސްޓްގައި ހިމެނޭ ރަންވީރާ އެކު ފުރަތަމަ ފިލްމް ކުޅޭން ބޭނުންވާ ކަމަށް ބުނެފައެވެ.
ރިޕޯޓްތައް ބުނާގޮތުން ޒޯޔާ އަކްތަރުގެ " ގަލީ ބޯއީ" ރަންވީރާއި އެކު ސާރާ ހިމަނަން ޒޯޔާ ބޭނުންވެ ހުށަހެޅި ކަމަށްބުނި ނަމަވެސް އެރޯލަށް ފަހުން ހަމަޖައްސާފައިވަނީ އާލިޔާ ބަޓް އެވެ.
ކޮންމެ އަކަށް ސާރާ ރަންވީރާއި އެކު ފިލްމް ކުޅޭން ބޭނުންވީ ނަމަވެސް ދަރްމާ ޕްރޮޑަކްޝަންގެ ފަރާތުން ބޮލީވުޑަށް ނިކުންނަން ތައްޔާރު ވަމުންދާއިރު ރަންވީރަކީ ޔަޝްރާޖް ފިމްސްއިން ބޮލީވުޑަށް ތައާރަފް ވެފައިވާ ތަރިއެކެވެ.
އެހެން ކަމުން ރަންވީރާއި އެކުގައި ސާރާ އޭނާގެ ފުރަތަމަ ފިލްމުން ފެނުން މިވަނީ ނާދިރު ކަމަކަށް ވެފައެވެ.އަދި ސާރާގެ މި އެދުން ފިލްމް އުފައްދާ ފަރާތްތަކުން ފުރިހަމަ ކޮށްދޭނޭތޯ މިވަނީ ސުވާލު އުފެދިފައެވެ
