އުރްވަޝީ ރޮޓޭލާ 5 ކްރޯޑް ރުޕީސް ކޮވިޑް ފަންޑަށް ހަދިޔާކޮށްފި

ބޮލީވުޑްގެ ބަތަލާ އުރްވަޝީ ރޮޓޭލާ ކޮވިޑް19 ފަންޑަށް 5 ކްރޯޑް ރުޕީސް ހަދިޔާކޮށްފި އެވެ.

މި 5 ކްރޯޑް ރުޕީސް އަކީ ޑާންސް ސެޝަނެއް ބާއްވައި އުރަވަޝީ ހޯދާފައިވާ ފައިސާ އެވެ.

ދާދި ފަހުން ވާޗުއަލް ޑާންސް މާސްޓަކްލާސް އެއް ބާއްވަން ނިންމާފައިވާކަން އުރްވަޝީ ވަނީ އިންސްޓަގްރާމް މެދުވެރިކޮށް ފޭނުނާ ހިއްސާކޮށްފައެވެ. މި ސެޝަން މިހާރު ވަނީ ނިމިފަ އެވެ. މި ސެޝަނަކީ ޑާންސްކުރަން ދަސްކުރަން ބޭނުންވާ ފަރާތްތަކަށާއި ހިކެން ބެނުންވާ ފަރާތްތަކަށް ފްރީކޮށް ބޭއްވި ކްލާހެކެވެ. މި ސެޝަންތަކުގައި އުރްވަޝީ ވަނީ ޒުމްބާ، ތަބާޓާ އަދި ލެޓިން ޑާންސް ދަސްކޮށްދީފަ އެވެ.

ޓިކްޓޮކް އެޕް މެދުވެރިކޮށް ބޭއްވި މި ޑާންސް ސެޝަންގައި 18 މިލިއަން މީހުން ބައިވެރިވެފައި ވެއެވެ. މި ޑާންސް ކްލާސް މެދުވެރިކޮށް ލިބުނު 5 ކްރޯޑް ރުޕީސް އުރްވަޝީ ވަނީ ކޮވިޑް ފަންޑަށް ހަދިޔާކޮށްފަ އެވެ.

އުރްވަޝީ ބުނީ އޭނާ މި ކަމުގައި އެންމެނަށްވެސް ޝުކުރުވެރިވާކަމަށެވެ. އެކްޓަރުން، ސިޔާސީ މީހުން، ލަވަކިޔުންތެރިން ކަމުގައި ވިޔަސް އެމީހުން ކުރާ މަސައްކަތް ބަލައިގަންނަ ކަމަށް އުރްވަޝީ ބުންޏެވެ. އަދި މި ދަނޑިވަޅުގައި އެންމެން އެއްބައިވެ, ވީވަރަކުން އެހީތެރިކަން ފޯރުކޮށްދޭން ޖެހޭކަން ފާހަގަކޮށް އޭނާ ބުނީ އެއްވެސް އެހީ އަކީވެސް ކުޑަ އެހީއެއް ނޫންކަމަށެވެ.

އުރްވަޝީ އެންމެ ފަހުން ފެނިގެން ގޮސްފައި ވަނީ ދާދި ފަހުން ރިލީޒް ކުރި "ބީޓް ޕޭ ތުމްކާ" ލަވަ އިންނެވެ. މި ލަވަ އަކީ އޭނާ މަސައްކަތްކޮށްފައިވާ ކޮމިޑީ ފިލްމު "ވަރޖިން ބަނޫ ޕްރިޔާ" ގެ ލަވައެކެވެ.