އުރީދޫ މޫލީއާ ގިނަ ވިޔަފާރީތަކެއް ގުޅިއްޖެއެވެ.
އުރީދޫ އިން ބުނީ ކޮވިޑް-19 އާއި ގުޅިގެން ސަރުކާރުން ތަންފީޒު ކުރަމުންދާ ލޮކްޑައުންގެ ސަބަބުން، ފެން، މަސް އަދި އާންމުކޮށް ބޭނުންކުރާ ކާބޯތަކެތި ފޯރުކޮށްދޭ ފަރާތްތަކުން އޮންލައިންކޮށް ކަސްޓަމަރުންނާއި މުއާމަލާތް ކުރުމަށާއި އުފެއްދުންތައް ޑެލިވަރީ ކުރުމަށް މޫލީގެ އެހީތެރިކަމަށް އެދެމުންދާ ކަމަށެވެ.
އެހެންކަމުން ކުދި އަދި މެދު ފަންތީގެ ވިޔަފާރިތަކަށް އެހީ ވުމުގެ ގޮތުންނާއި، ކަސްޓަމަރުން ރައްކާތެރިކަމާއެކު ގޭގައި ތިބެގެން ވިޔަފާރިކުރުމުގެ ފުރުސަތު ފުޅާ ކޮށްދިނުމުގެ ގޮތުން އާންމުކޮށް ބޭނުންކުރާ ކާބޯތަކެތި ވިއްކާ ވިޔަފާރިތަކާ ގުޅިގެން މޫލީ މެދުވެރިކޮށް މާލެ އަދި ހުޅުމާލޭގެ ގެތަކަށް ޑެލިވަރީގެ ޙިދުމަތާއެކު ފޯރުކޮށްދޭން ފަށާފައިވާ ކަމަށެވެ.
މި ޕްލެޓްފޯމްގެ ސަބަބުން ކުދި ވިޔަފާރިތަކާއި އޮންލައިން ރީޓެއިލަރުންނަށް، ފަސޭހަކަމާއިއެކު ކުރިޔަށްވުރެ ގިނަ ކަސްޓަމަރުންނާއި މުއާމަލާތް ކުރުމުގެ ފުރުސަތު ފަހިވެ، ހިލޭ ވެއަރ ހައުސް ޚިދުމަތާއި ޑެލިވަރީ ޚިދުމަތް ލިބިގެންދާ ކަމަށާއި ކުދި ވިޔަފާރިތަކަށް މި ހާލަތުގައި ކުރިމަތިވެފައިވާ ދަތިކަމަށް ލުޔެއް ހޯދައިދިނުމަށް މޫލީން ޕްލެޓްފޯމް ފީ ނެގުން ހުއްޓާލާފައިވާ ކަމަށް ވެސް އެ ކުންފުނިން ބުނެއެވެ.
މޫލީ އާއި އަލަށް ގުޅިފައިވާ ފަރާތްތަކުގެ ތެރޭގައި:
- ހޮރައިޒަން ފިޝަރީޒް (މަންދޫ މަސްދަޅު ކޭސް – ޓޫނާ މަސްދަޅު ޗަންކްސް އިން އޮއިލް/ބްރައިން)
- ސަޕްލައި އެމްވީ ބީ2ބީ ޕްލެޓްފޯމް (އެންޒީ ޓޫނާ އިން އޮއިލް/ބްރައިން ކޭސް، އެންޒީ ގިތެޔޮ މިރުސް ސޯސް އަދި އެންޒީ ރިހާކުރު ފުޅި
- އައިލެންޑް ބެވަރޭޖަސް މޯލްޑިވްސް (ތާޒާ ފެންފުޅި – 330މލ، 500މލ، 1500މލ އަދި 5ލ ފެން ފުޅީގެ ކޭސް (ކޮންމެ އޯޑަރަކަށް 5 ކޭސް)
- ކޮންފޫޑް ކުންފުނިން (ކޮންފޫޑް ބްރޭންޑްގެ އެޑިންބޮރޯ ސޯސް، ޖޫސް، ޖޭމް އަދި މިޔޯޖޯ ކަޕް ނޫޑްލްސް)
މޫލީ އަކީ އޮންލައިން ޕޭމަންޓް، މުޅި ރާއްޖެއަށް ހިލޭ ޑެލިވަރީ، އީޒީ ރިޓަރންސް އަދި ފެންވަރު ރަނގަޅު އުފެއްދުންތަކާއި އެކު، ކަސްޓަމަރުންނަށް ޔަގީންކަމާއެކު ވިޔަފާރިކުރުމުގެ ފަސޭހަކަން ފަހިކޮށްދޭ ޑިޖިޓަލް ޝޮޕިންގ ޕްލެޓްފޯމެކެވެ.
މޫލީގައި ބައިވެރިވުމަކީ ވަރަށް ފަސޭހަ، ރަނގަޅު ފުރުސަތެއް. މިހާރުވެސް ވަރަށް ގިނަ ފަރާތްތަކަށް އަޅުގަނޑުމެންގެ އުފެއްދުން ފެނި، ކަމުގޮސްފައިވާނެކަން ޔަގީންކުރަން. ރާއްޖޭގެ އެކި ކަންކޮޅުތަކުގައި ދިރިއުޅޭ ފަރާތްތަކަށް ޚިދުމަތް ފުޅާކޮށް، އުފެއްދުންތައް ފޯރުކޮށްދިނުމަށް ބޭނުންވާ އެންމެހާ ވިޔަފާރިވެރިންނަށް މޫލީއިން ފޯރުކޮށްދެނީ ވަރަށް ރަނގަޅު ފުރުސަތެއް. އުރީދޫ އިން ފޯރުކޮށްދީފައި މިވާ ނުހަނު ބޭނުންތެރި މުހިންމު ޕްލެޓްފޯމްގެ އަގުވަޒަންކޮށް މި އަގުހުރި މަސައްކަތް ބަލައިގަންނަންބްރޭންޑްލޫމް ބައި އެންމަކް މޯލްޑިވްސްގެ މެނޭޖިންގ ޑިރެކްޓަރ، މުހައްމަދު ނިޔާޒް ވިދާޅުވި
ރާއްޖެއަށް ފުރަތަމަ ފަހަރަށް، މުޅިން ތަފާތު އީ-ކޮމަރސް ބާޒާރެއްގެ ގޮތުގައި 2019 ގެ އޯގަސްޓް މަހު ތައާރަފު ކުރި މޫލީ މެދުވެރިކޮށް، މިހާރުވެސް ދިހަ ހާހަށްވުރެން ގިނަ ޑެލިވަރީ ރާއްޖޭގެ އެކި ހިސާބުތަކަށް ފޯރުކޮށްދީފައިވާ ކަަމަށް އުރީދޫން ބުނެއެވެ. އަދި އިތުރު ފަރާތްތަކުން މޫލީ އާއި ގުޅެމުންދާއިރު، މި ޕްލެޓްފޯމް މެދުވެރިކޮށް ގިނަ ކަސްޓަމަރުންނަށް، ކުރިޔަށް ވުރެ ތަފާތު ގިނަ އުފެއްދުންތަކެއް ފޯރުކޮށްދެނޭ ކަމަށް ވެސް އެ ކުންފުނިން ބުންޏެވެ.
