މަޝްހޫރު ލަވަކިޔުންތެރިޔާ ބެޓީ ރައިޓް މަރުވެއްޖެ

މަޝްހޫރު އެމެރިކަން ސޯލް އަދި އާރު އެންޑް ބީ ލަވަކިޔުތެރިޔާ ބެސީ ރެޖީނާ ނޯރިސް (ބެޓީ ރައިޓް) މަރުވެއްޖެ އެވެ.

"ކްލީން އަޕް ވިމެން" އަދި "ނޯ ޕެއިން ނޯ ގެއިން" ފަދަ ލަވަތަކުން މަޝްހޫރުކަން ހޯދާފައިވާ ބެޓީ މަރުވެފައިވަނީ އާދިއްތަ ދުވަހު އުމުރުން 66 އަހަރުގަ އެވެ. ބެޓީ ކެންސަރަށް ފަރުވާ ހޯދާތާ ދުވަސްތަކެއް ވަނީ ވެފަ އެވެ.

ބެޓީ އާއި އެކު ލަވަކިޔަމުންގެންދާ ފަންނާނެއް ކަމަށްވާ ޗާކާ ޚާން ވެސް ވަނީ ބެޓީގެ ސިއްޚީ ހާލަތާއި ގުޅޭ ގޮތުން ކަންބޮޑުވުން ފާޅުކޮށް، މެއި މަހުގެ ކުރީކޮޅު ޓްވީޓްކޮށްފަ އެވެ. ބެޓީއަށް އެންމެންގެ ހެޔޮ ދުޢާ ބޭނުންވާ ކަމަށް އެ ޓްވީޓްގައި ވެއެވެ.

ބެޓީ އޭނާގެ ފުރަތަމަ އަލްބަމް "މައި ފަސްޓް ޓައިމް އެރައުންޑް" ރިިލީޒް ކޮށްފައިވަނީ އޭނާގެ އުމުރުން އެންމެ 15 އަހަރުގައި 1968 ވަނަ އަހަރު އެވެ. 1974 ވަނަ އަހަރު ރިިލީޒްކުރި "ވެއަރ އިޒް ދަ ލަވް" މި ލަވަ އިން އޭނާ ވަނީ ގްރެމީ އެވޯޑްވެސް ހާސިލް ކޮށްފަ އެވެ.

ބެޓީ އެންމެ ފަހުން ލަވައެއް ކިޔާފައިވަނީ 2016 ވަނަ އަހަރު އެވެ. "ހޯލީ ކީ" ލަވަ ވަނީ އެއިރުގެ ބިލްބޯޑް ޗާޓުގެ 84 ވަނައިގައި ހިމެނިފަ އެވެ. ބެޓީގެ މަރާއި ގުޅިގެން މުޅި މިއުޒިކް އިންޑަސްޓްރީގެ ހުުރިހާ ފަންނާނުން ދަނީ ހިތާމަ ފާޅުކުރަމުންނެވެ.