ހުކުރު 29 މެއި 2020
10 ރޯނު
1441 ޝައްވާލް 06
ފަތިސް 04:34
އިރުއަރާ 05:51
މެންދުރު 12:07
އަސްރު 15:30
އިރުއޮއްސޭ 18:15
އިޝާ 19:33
ދަނޑަށް ސަޕޯޓަރުން ނުވެއްދުން

"ވެކްސިނެއް ނުލިބެނީސް ދަނޑަށް ސަޕޯޓަރުން ނުވެއްދޭނެ"

  • މި ސީޒަނުގެ ނެދަލެންޑްސް ލީގު ވަނީ ކެންސަލް ކޮށްފައި
  • ނެދަލެންޑްސްގެ ސަރުކާރުން ވަނީ ސެޕްޓެމްބަރު އެއްވަނަ ދުވަހުގެ ނިޔަލަށް އެއްވެސް ކުޅިވަރު ހަރަކާތެއް ނުބޭއްވުމަށް އަންގާފައި

ކ. މާލެ | 7 މެއި 2020 | ބުރާސްފަތި 21:19 | 3,588

އަޔަކްސްގެ ޔޯހަން ކްރައިފް އެރީނާ - ގެޓީ އިމޭޖާސް

ކޮރޯނާވައިރަސް (ކޮވިޑް-19) އަށް ވެކްސިނެއް ނުލިބެނީ ދަނޑަށް ސަޕޯޓަރުން ނުވެއްދޭނެ ކަމަށް ނެދަލެންޑްސްގެ ސިއްހަތާ ބެހޭ ވަޒީރު ހޫގޯ ޑި ޔޮން ވިދާޅުވެއްޖެ އެވެ.

ކޮވިޑް-19 އާ ގުޅިގެން މީގެ ކުރިން ނެދަލެންޑްސް އިން ވަނީ މި ސީޒަނުގެ ނެދަލެންޑްސް ލީގު، ޗެމްޕިއަނެއް ކަނޑަނާޅައި ކެންސަލް ކޮށްފައެވެ. އެގޮތަށް ނިންމީ ސެޕްޓެމްބަރު މަހުގެ އެއްވަނަ ދުވަހުގެ ނިޔަލަށް އެއްވެސް ކުޅިވަރު ހަރަކާތެއް އެގައުމުގައި ނުބޭއްވުމަށް ނެދަލެންޑްސްގެ ސަރުކާރުން އެންގުމާ ގުޅިގެންނެވެ.

ނެދަލެންޑްސްގެ ސިއްހަތާ ބެހޭ ވަޒީރު ހޫގޯ ޑި ޔޮން ވިދާޅުވީ ސެޕްޓެމްބަރު މަހަށް ފަހު ކުޅިވަރު ހަރަކާތްތައް ކުރިއަށް ގެންދަށް ސަރުކާރުން ހުއްދަ ދިން ނަމަވެސް، ކޮވިޑް-19 އަށް ވެކްސިނެއް ނުލިބެނީސް ދަނޑަށް ސަޕޯޓަރުން ވައްދަން ހުއްދަ ނުދެވޭނެ ކަމަށެވެ. އެކަމަކު އުންމީދަކީ މި ވައިރަހަށް ވެކްސިނެއް އުފެއްދި، ހާލަތު އަވަހަށް ރަނގަޅުވުން ކަމަށްވެސް ވިދާޅުވި އެވެ.

އާންމު ގޮތެއްގައި ވެކްސިނެއް އުފައްދަން 10 އަހަރު ނަގައެވެ. އެކަމަކު ކޮވިޑް-19 އަށް ވެކްސިނެއް އުފައްދަން ނަގާނީ 12-18 މަސް ކަމަށް ސިއްހީ ތަޖުރިބާކާރުން މީގެ ކުރިން ވަނީ ބުނެފައެވެ.

އެގޮތުން ދުނިޔޭގެ އެކި ގައުމުތަކުގެ ޚާއްސަ ލެބޯރަޓަރީތަކުގައި މިހާރު 24 ގަޑިއިރު ކަހަލަ ގޮތަކަށް ކުރިއަށް ދަނީ ވެކްސިނެއް ހޯދުމާއި ބަލިން ފަސޭހަކޮށްދޭނެ ކަށަވަރު ބޭހެއް އުފެއްދުމުގެ މަސައްކަތެވެ. ދުނިޔޭގެ ކުރީ ސަފުގައި އުޅޭ، އެމެރިކާ އާއި އިނގިރޭސިވިލާތާއި ޗައިނާ އަދި ޖަރުމަންގެ ސައިންސްވެރިން ވަނީ އިންސާނުން ބޭނުންކޮށްގެން ޓެސްޓްތައް ހަދަން ފަށާފައެވެ.

ކޮވިޑް-19 އާ ގުޅިގެން ދުނިޔޭގެ ފުޓްބޯޅަ އަށް އަސަރު ކޮށްފައިވާއިރު، މެދުކަނޑާލާފައިވާ ޔޫރަޕްގެ ބައެއް ލީގުތައް މިހާރު އަންނަނީ އަލުން ފެށުމަށް ތައްޔާރުވަމުންނެވެ. އެގޮތުން ފުޓްބޯޅަ އަލުން ފަށަން ހުރިހާ ގައުމަކުންވެސް މަޝްވަރާ ކުރަމުން އަންނަނީ ދަނޑަށް ސަޕޯޓަރުން ނުވައްދައެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން | ރިވިއު ކުރީ: ހުސައިން ފަރިޔާޒް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 3007773 ނަންބަރަށް ގުޅުއްވާ.