އަންގާރަ ދުވަހު ކޮވިޑް-19 ޖެހިގެން މަރުވި މީހާ މަސައްކަތް ކުރި ކަޅުތުއްކަލާ ކޮށިން 66 މީހަކު އެކަހެރި ކޮށްފި އެވެ.
އެ މީހާއަކީ ކަޅުތުއްކަލާ ކޮށީގައި މަސައްކަތް ކުރަމުންދާ މީހެއް ކަމަށް ހެލްތް ޕޮރްޓެކްޝަން އެޖެންސީ (އެޗްޕީއޭ) އިން ވަނީ ހާމަކޮށްފަ އެވެ.
އޭނާގެ ކޮންޓެކްޓް ޓްރޭސިންއިން 66 މީހަކު އައިޑެންޓިފައި ކުރެވިފައިއެޗްޕީއޭގެ އެޕިޑަމޮލޮޖިސްޓް ޑރ. އިބްރާހިމް އަފްޒަލް
ޑރ. އަފްޒަލް ވިދާޅުވީ، އެމީހާގެ ކޮންޓެކްޓް ޓްރޭސިންގެ މަސައްކަތް ކުރިޔަށްދާ ކަަމަށެވެ. މައުލޫމާތު ލިބފައިވާ ގޮތުގައި އުމުރުން 33 އަހަރުގެ ބިދޭސީ މީހާއަކީ ކޭކޭގައި ކައްކާއެއްގެ ގޮތުގައި މަސައްކަތް ކުރަމުންދާ މީހެއް ކަމަށެވެ.
އިންދިރާ ގަންދީ މެމޯރިއަލް ހޮސްޕިޓަލުން ބުނީ، އެ މީހާ މަރުވެފައިވަނީ ސިކުނޑިއަށް ލޭ އެޅިގެން ކަމަށެވެ. އަދި ފިޓް ޖެހެން މެދުވެރިވީ، ނާރެއް ފަޅައިގެން ގޮސް ސިކުނޑިއަށް ލޭއެރުމުން ލިބުނު ގެއްލުމުގެ ސަބަބުން ކަމަށް ބެލޭވޭ ކަމަށް ހޮސްޕިޓަލުން ވަނީ ބުނެފަ އެވެ.
މަރުވި މީހާ ވަޅުލާފައިވަނީ ހުޅުމާލޭ ސަހަރާގައެވެ. އެމީހާގެ ކަށުކަމާއި ކެމީގެ ކަންކަމުގައި ޙަރަކާތްތެރިވީ އެމްއެންޑީއެފްގެ ފިރިހެން ޖަމާއަތްތެރިންނެވެ.
