ސްރީ ލަންކާގައި ޕޮޒިޓިވްވި މީހުންގެ އަދަދު 700 އާ ގާތަށް

އަވަށްޓެރި ސްރީލަންކާގައި ކޮވިޑް-19 އަށް ޕޮޒިޓިވްވި މީހުންގެ ޢަދަދު 690 އަށް އަރާފައިވާ ކަމަށް އެ ޤައުމުގެ ސަރުކާރުން ހާމަކޮށްފިއެވެ.

ސްރީލަންކާގެ ހެލްތު މިނިސްޓްރީން އެންމެ ފަހުން ހާމަކޮށްފައިވާ މަޢުލޫމާތުތަކަށް ބަލާއިރު، ހުކުރު ދުވަހު ރިޕޯޓު ކުރެވުނު 25 ކޭސްއާއެކު ޕޮޒިޓިވްވި މީހުންނާ އެކު ޖުމުލަ ޢަދަދު 690 އަށް އަރާފައިވާ ކަަމަށެވެ. ހޮނިހިރު ދުވަހުގެ އަދި މިހާތަނަށް ކޮވިޑް-19 އަށް މީހަކު ޕޮޒިޓިވްވެފައިވާ ކަމަށް ހެލްތު މިނިސްޓްރީން ހާމަކޮށްފައެއް ނުވެއެވެ. ބަލިން ރަނގަޅުވެފައިވާ މީހުންގެ ޢަދަދު ވަނީ 172 އަށް އަރާފައެވެ.

ސްރީލަންކާއިން ވަނީ ކޮވިޑް-19 އަށް މިހާތަނަށް 20،000 އަށްވުރެ ގިނަ ޕީސީއާރް ޓެސްޓު ހަދާފައެވެ. ބަލިން ރައްކާތެރިވުމަށް އަޅަމުންގެންދާ ފިޔަވަުތަކުގެ ތެރެއިން ވައިރަސްގެ ނުރައްކާ ބޮޑު ޞަރަޙައްދުގައި އަނެއްކާވެސް ކާފިއުގެ ޢަމުރުވަނީ އިޢުލާނު ކޮށްފައެވެ. އޭގެ ތެރޭގައި ހިމެނެނީ، ވެރިރަށް ކޮލޮމްބޯ، ގަމްޕަހާ، ކަލުތަރަ އަދި ޕުއްތަލަމްގެ އަވަށްތަކެވެ.