އޮސްޓްރޭލިއާގައި ގަސްކެނޑުން ހުއްޓުވުމަށް ބާރުއަޅަނީ
1 މެއި 2020 | ހުކުރު 12:08އޮސްޓްރޭލިއާ އަލިފާން އަށްލައްކަ ނުވަދިހަ ހާސް ސަރަހައްދަކަށް ފެތުރިފައިވޭ
ތިމާވެށި ހިމާޔަތް ކުރުމުގެ މަސައްކަތްތަކުގައި ހަރަކާތްތެރިވާ އެކްޓިވިސްޓުންތަކެއް
އޮސްޓްރޭލިއާގައި ގަސްކެނޑުން ހުއްޓުވުމަށް އެޤައުމުގެ އެކްޓިވިސްޓުން، ސަރުކާރަށް ފިއްތުންތައް ކުރިމަތި ކުރަމުންދާ ކަމަށް މިޑިއާ ރިޕޯޓުތައް ބުނެފިއެވެ.
2019 ވަނަ އަހަރުގެ ސެޕްޓެންބަރު މަހު އޮސްޓްރޭލިއާގެ އެކި ޞަރަޙައްދުތަކުގައި ރޯވި އަލިފާން ކޮންޓްރޯލް ނުކުރެވި އަށްލައްކަ ނުވަދިހަ ހާސް ޞަރަޙައްދަކަށް ފެތުރިފައިވެއެވެ. އަލިފާނުގެ ސަބަބުން ގިނަ ބައެއްގެ ގެދޮރު ހަލާކުވެ ގާތްގަނޑަކަށް ބިލިއަނަކާ ގާތްކުރާ ޢަދަދަކަށް ދިރޭ ޖަނަވާރު މަރުވެފައިވެއެވެ. މިއަލިފާނުގެ ޙާދިސާތަކާއި ގުޅިގެން ޖަންގަލިތަކުގައި ހުރި ގިނަ ޢަދަދެއްގެ ގަސް ވަނީ ނެތިގެން ގޮސްފައެވެ.
އަލްޖަޒީރާގައި ރިޕޯޓުކޮށްފައިވާ ގޮތުގައި ތިމާވެށި ޙިމާޔަތްކުރާ ފަރާތްތަކުން، ގަސްކެނޑުން ހުއްޓުވުމަށް އެދި އޮންލައިން ޕެޓިޝަނެއް ތައްޔާރުކޮށް ސަރުކާރަށް ހުށަހެޅުމުގެ މަސައްކަތްތަކެއް މިހާރުު ދަނީ ކުރަމުންނެވެ. އޮންލައިން ޕެޓިޝަނެއް ހުށަހަޅަން ނިންމާފައިވަނީ ކޮވިޑް-19އާ ގުޅިގެން މަގުމައްޗަށް ނުކުމެ މުޒާހަރާ ނުކުރެވޭތީއެވެ.
މަޢުލޫމާތު ލިިފައިވާގޮތުގައި، މިޕެޓިޝަނުގައި މިހާތަނަށް 22000ށްވުރެ ގިނަ މީހުން ސޮއިކޮށްފައިވެއެވެ.
