ކޮންމެވެސް ވަރަކަށް ލޭ އެބަހުރި، އެކަމަކު އަދިވެސް ބޭނުން: އެމްބީއެސް
މިހާރު ވެސް ހުރިހާ ލޭ ގެ ގްރޫޕެއްގެ ލޭ ބޭނުންވޭ
ލޭ ޓްރާންސްއުޝަން މަރުޙަލާގެ ތެރެއިން
ލޭގެ ސްޓޮކް ދަށަށްދާތީ ލޭ ހަދިޔާ ކޮށްދިނުމަށް މޯލްޑިވްސް ބްލަޑް ސަރވިސަސް (އެމްބީއެސް) އިން އެދިފައިވަނީ މި މަހުގެ 20 ވަނަ ދުވަހުއެވެ. އެއާއެކު ވަރަށް ގިނަ ޢާންމުން ލޭ ހަދިޔާ ކޮށްފައިވާކަމަށް އެމްބީއެސްއިން ބުނެއެވެ.
އެމްބީއެސްއިން ބުނީ މިހާރު ކޮންމެވެސް ވަރަކަށް ލޭ އެބަހުރި ކަމަށާއި، އެހެންނަމަވެސް އަދި ވެސް ލޭ ބޭނުންވާކަމަށެވެ. އަދި މިހާރު ވެސް ހުރިހާ ލޭ ގެ ގުރޫޕެއްގެ ލޭ ބޭނުންވާކަމަށް ވެސް އެމްބީއެސްއިން ބުނެއެވެ.
އެމްބީއެސްއިން ބުނީ ލޭ ހަދިޔާ ކުރަން ބޭނުންވާ ފަރާތްތަކުން އެތަނުގެ ހޮޓްލައިން ނަންބަރު 3306089 ގުޅާ އެ މަޢުލޫމާތު ޙިއްސާ ކުރުމުން، އެޕޮއިންމަންޓެއް ހަމަޖެހިގެންދާނެކަމަށެވެ. އަދި އެމްބީއެސްއިން ކަނޑައަޅާ ދުވަހަކު ލޭ ނެގުމުގެ ކަންތައްތައް ކުރިއަށްގެންދާނެކަމަށެވެ.
ސަރުކާރުން ބުނެފައިވަނީ ލޭ ހަދިޔާކުރަން ބޭނުންވާ ފަރާތްތަކައް އެ އިންތިޒާމުތައް ހަމަޖައްސާފައިވާކަމަށެވެ. އަދި ރައްކާތެރިކަމާއެކު ލޭ ހަދިޔާ ކުރެވޭނެ ގޮހް ހަމަޖައްސައި، އެގޮތަށް ކުރިއަށްގެންދިއުމަށް އިލްތިމާސްކުރާ ކަމަށެވެ.
ސްޓޮކް ދަށަށްދާތީ ލޭ ހަދިޔާކޮށްދިނުމަށް ތިން ފަހަރެއްގެ އެމްބީއެސްއިން އެދިފައިވެއެވެ. ތެލެސީމިއާ ކުދިންގެ ގަޔަށް އަޅަން ހަފުތާއަކު 160 ޔުނިޓްގެ ލޭ ބޭނުންވާކަމަށް މޯލްޑިވްސް ބްލަޑް ސަރވިސްއިން ވަނީ ބުނެފައެވެ،
