ވިޔަފާރި ކުރުމަށް ނުކުންނަ މީހުން އަދިވެސް ބޮޑިވެގެން ތިބޭ ކަމަށާއި، އެކަން އެގޮތަށް ނުކުރުމަށް އެސިސްޓެންޓް ކޮމިޝަނަރ އޮފް ޕޮލިސް އިސްމާއިލް ނަވީން އިލްތިމާސްކޮށްފިއެވެ.
އާދިއްތަ ދުވަހު މެންދުރުފަހު ނެޝަނަލް އިމަރޖެންސީ އޮޕަރޭޝަން ސެންޓަރުގައި ބޭއްވި ނޫސްވެރިންގެ ބައްދަލުވުމުގައި ނަވީން ވިދާޅުވީ ކަނޑައެޅިފައިވާ ޒޯނަށް ޝޮޕިން ޕަރމިޓާއެކު ވިޔަފާރި ކުރުމަށް އެކަނި ދިޔަ ނަމަވެސް ފިހާރަ ކައިރިން ބޮޑުވެގެން ތިބޭ މަންޒަރު ފެންނަކަމަށާއި، އެއީ ވަރަށް ދެރަކަމެއް ކަމަށެވެ.
ނަވީން ވިދާޅުވީ ފިހާރައިގައި ވެސް އަަދި ފިހާރައިގެ ބޭރުގައި ވެސް ސޯޝަލް ޑިސްޓެންސް ބެހެއްޓުމަކީ މިހާރު ފަރުދީ ޒިންމާއެއް ކަަމަށާއި، މީހަކު އައިސް ނުބުނި ކަމުގައި ވިޔަސް އަމިއްލައަށް އެކަންކަމާ މެދު ވިސްނާ ޢަމަލު ކުރުމަކީ ވަރަށް މުހިންމުކަމެއް ކަމަށެވެ. އަދި މިއީ އެންމެންގެ ސަލާމަތާ ރައްކާތެރި ކަމަށްޓަކައި އެޅޭ ފިޔަވަޅެއްކަން ނަވީން ފާހަގަކުރެއްވިއެވެ.
އެއްޗެހި ގަނެގެން ގެއަށް އައުމަށްފަހު ސެނިޓައިޒާ ބޭނުން ކޮށްގެން ނުވަތަ ސައިބޯނި ބޭނުން ކޮށްގެން އަތް ދޮން ނަންޖެހޭ. ޑިސްއިންފެކްޓު ކުރުމަކީ މުހިންމު ކަމެއްގެ. މިކަންކަން ކުރުމަށް އަބަދުވެސް ހަނދާން ކުރަންޖެހ. އަދި އެޑިސްއިންފެކްޓް ކުރަންޖެހޭ އެއްޗެއް ކަަމަށްވަންޏާ ޑިސްއިންފެކްޓް ކުރުމުގެ ކަންތައްތައް ވެސް އެޗްޕީއޭގެ ޑައިޑްލައިންގައިވާ ގޮތުގެ މަތިން ކުރައްވަންވީއެސިސްޓެންޓް ކޮމިޝަނަރ އޮފް ޕޮލިސް އިސްމާއިލް ނަވީން
ނަވީން ވިދާޅުވީ މިދަނޑިވަޅަކީ ހުރިހާ ރައްޔިތުން ގުޅިގެން މަސައްކަތް ކުރަންޖެހޭ ކަމަށެވެ. ރައްޔިތުން އެއްބަޔަކު އަނެއް ބަޔަކަށް އެހީތެރިކަން ފޯރުކޮށްދޭންޖެހޭކަން ފާހަގަކުރައްވައި ނަވީން ވިދާޅުވީ ކެތްތެރިކަން އިސްކޮށް މަސައްކަތް ކުރެވިއްޖެކަމުވާ ނަމަ، ވެށީގައި ޞުލްޙަމަސަލަސްކަން ވެސް ޤާއިމު ވެގެންދާނެ ކަމަށެވެ. އަދި ފުލުހުންގެ އެހީތެރިކަން ބޭނުންވާއިރު އެކަން އެދުމުން އެހީތެރިކަން ފޯރުކޮށްދޭނެކަމުގެ ޔަޤީންކަން ވެސް ނަވީން ދެއްވިއެވެ.
