މުދާ އުފުލުމަށް އަޅާ ކާގޯ ދަތުރުތަކުގައި ކަރަންޓީން އިން ދޫކުރާ މީހުން ގެންދަނީ!
25 އެޕްރީލު 2020 | ހޮނިހިރު 00:38ކަރަންޓީނުން ދޫކުރާ މީހުން އިތުރު ކަރަންޓީންގެ މުއްދަތެއް ފުރިހަމަކުރާކަށް ނުޖެހޭނެ
ކޮވިޑް-19 އާއި ގުޅިގެން މީހުން ފުރުން
މުދާ އުފުލުމަށް އަޅާ ކާގޯ ދަތުރުތަކުގައި ކަރަންޓީން އިން ދޫކުރާ މީހުން ގެންދިޔުމަށް ހަމަޖެހިފައިވާކަމަށް ސަރުކާރުން ހާމަކޮށްފައެވެ.
ދަރުބާރުގޭގައި ގާއިމްކޮށްފައިވާ ނެޝަނަލް އިމެރޖެންސީ އޮޕަރޭޝަން ސެންޓަރު (އެންއީއޯސީ) ގައި ނޫސްވެރިންނަށް މައުލޫމާތުދެއްވަމުން އެ ސެންޓަރު ތަރުޖަމާނު މުހައްމަދު މަބްރޫކް އަޒީޒް ވިދާޅުވީ، އަތޮޅުތަކަށް ބޭނުންވާ ސަޕްލައިތައް ކުރުމަށް މޯލްޑިވިއަންގެ ކާރގޯ ކޮންމެ ދުވަހަކު ދަތުރުކުރުމަށް ނިންމާފައިވާ މި ދަނޑިވަޅުގައި ދަތުރުކުރާ ފްލައިޓްތަކުގައި މި ވަގުތު ކަރަންޓީންގައި ހުރެ ދޫކޮށްލާ ފަރާތްތަކުގެ ތެރެއިން އެމީހެއްގެ އަމިއްލަ އަތޮޅަށް ދާން ބެނުންވެއްޖެ ހާލަތެއްގައި ދެވޭނެކަމަށެވެ.
މަބްރޫކް ވަނީ މީގެކުރިން ބޭއްވި ނޫސްވެރިންގެ ބައްދަލުވުމެއްގައި، ކަރަންޓީން ކުރެވި އެޗްޕީއޭގެ މިންގަނޑުތަކާއި އެއްގޮތަށް ދޫކުރެވޭ ފަރާތްތައް ރަށްރަށަށް ދެވޭނެކަމަށާއި އިތުރު ކަރަންޓީން މުއްދަތެއް ހަމަކުރަން ނުޖެހޭނެކަމަށް ވިދާޅުވެފައެވެ. ކޮވިޑް-19 މާލެއިން ފެނުމާއި ގުޅިގެން މާލެ ސިޓީ ލޮކްޑައުންކޮށްފައިވާއިރު ރާއްޖޭގެ އެތެރޭގެ އުނދުހުންތައް ވަނީ މެދުކަނޑާލާފައެވެ.
