މޯލްޑިވްސް ކަސްޓަމްސް ސަރވިސްއިން 2015 ވަނަ އަހަރު، ދައުލަތުގެ މާލިއްޔަތުގެ ޤަވާއިދާ އެއްގޮތައް ހަރުމުދަލުގެ ތަފްސީލް ބަލަހައްޓާފައި ނުވާކަމަށް އޮޑިޓަރ ޖެނެރަލް ވިދާޅުވެއްޖެއެވެ
އޮޑިޓަރޖެނެރަލް މިހެން ވިދާޅުވީ ކަސްޓަމްސްގެ 2015 ވަނަ އަހަރުގެ އޮޑިޓް ރިޕޮޓުގައެވެ.
އެރިޕޯޓުގައި ބުނެފައިވާ ގޮތުގައި ދައުލަތުގެ މާލިއްޔަތުގެ ޤަވާއިދުގައި ބުނެފައިވާ ގޮތަށް ދައުލަތުގެ ތަންތަނަށް ގަންނަ ނުވަތަ ހަދިޔާގެ ގޮތުގައި ލިބޭ ހުރިހާ މުދަލެއްގެ ދަފްތަރެއް ލިޔެ ބަލަހައްޓަން ވާނެ ކަމަށް ބުނެފައިވީ ނަމަވެސް ކަސްޓަމްސްއިން 2015 ވަނަ އަހަރު އެކަން އެޤަވާއިދާ އެއްގޮތައް ކޮށްފައި ނުވާކަމަށެވެ.
އެރިޕޯޓްގައި ބުނެފައިވާ ގޮތުގައި ކަސްޓަމްސްގެ ބެލުމުގެ ދަށުގައިވާ ބައެއް ހަރުމުދާ އަގު ކުރެވިފައި ނެތުމުން ކަސްޓަމްސްގެ މިލްކިއްޔާތުގައި ހިމެނޭ ހަރުމުދަލުގެ އަގުގެ ގޮތުގައިހުރި ނުވަދިހަ ފަސް މިލިއަން އެއްސަތޭކަ ބާރަހާސް ނުވަ ރުފިޔާ އަކީ ސައްޙަ އަދަދެއްކަން ޔަޤީން ކުރެވިފައި ނުވާކަމަށެވެ.
