މިއަހަރުގެ ރަމަޟާން މަހުގެ ތަރާވީހު ނަމާދު ދެ ހަރަމްފުޅުގައި ކުރާގޮތަށް ސައުދީގެ ރަސްގެފާނު ސަލްމާނު ބިން އަބްދުލް އަޒީޒް ނިންމަވައިފިއެވެ.
ސައުދީން ވަނީ އެގައުމުގެ ރައްޔިތުންނަށް ޒަރޫރީ ބޭނުންތަކަށް ތަކެތި ގަތުމުގެ ފުރުސަތު ދިނުމަށް ސައުދީގެ ބައެއް ސިޓީތަކުގައި ހިންގަމުން އަންނަ ކަރފިއު އަށް ރަމަޟާން މަހު ލުއިތަކެއް ދިނުމަށް ނިންމާފައެވެ.
ސައުދީ ރަސްގެފާނު މިގޮތަށް ނިންމާފައިވާއިރު ސައުދީ އަރަބިއާގެ އެންމެ މުޤައްދަސް ދެ މިސްކިތް ކަމަށްވާ މައްކާގައި ހުންނަ މަސްޖިދުލް ޙަރަމްއާއި މަދީނާގައި ހުންނަ މަސްޖިދުލް ނަބަވީގައި ރަމަޟާން މަހުވެސް ޖަމާއަތުގައި ނަމާދު ނުކުރެވޭ ގޮތަށް ވަނީ ހަމައްސާފައެވެ.
ކޮވިޑް-19 އާއި ގުޅިގެން ގިނަ މުސްލިމް ގައުމުތަކުގައި ވަނީ މިސްކިތްތަކުގައި ޖަމާއަތުގައި ނަމާދުކުރުން ހުއްޓާލާފައެވެ.
