އެމެރިކާ  އިން މަސައްކަތް ކުރާނީ އަފްޣާނިސްތާނުގައި ކުރަމުންދާ ހަނގުރާމައިގައި "މޮޅުވާން" ކަމަށާއި އަދި އެމެރިކާ އަސްކަރިއްޔާގެ ބާރު އެގައުމުގައި ވަރުގަދަ ކުރުމަށް ކަމަށް އެމެރިކާގެ ރައީސް ޑޮނަލްޑް ޓްރަމްޕް ވިދާޅުވެއްޖެއެވެ. 

ވޮޝިންޓަންގެ މިލިޓަރީ ބޭސްއެއްގެ ކައިރީގައި ދެއްވި ތަގުރީރެއްގައި ރައީސް ޓްރަމްޕް ވިދާޅުވީ މިހާރު އަފްޣާނިސްތާނު ހަނގުރާމައިން އެމެރިކާ އަށް ބޭރު ނުވެވޭނެ ކަމަށެވެ. އެހެންނަމަވެސް މިއަދާ ހަމައަށް އައި އިރު އެމެރިކާ އޮންނަންޖެހޭނީ އެ ހަނގުރާމައިން އަތްދޫކޮށްލައިގެން ކަމަށް ގަބޫލުކުރައްވާ ކަމަށް ވެސް ޓްރަމްޕް ވިދާޅުވިއެވެ. ނުސީދާ ގޮތެއްގައި ޓްރަމްޕް ވިދާޅުވީ އަފްޣާނިސްތާނުގެ ހަނގުރާމައިން ކާމިޔާބު ނުލިބި އޮތީ ކުރީގެ ސަރުކާރުތަކުން އެޅި ފިޔަވަޅުތަކުގެ ސަބަބުން ކަމަށެވެ.

ރައީސް ޓްރަމްޕް އިތުރަށް ވިދާޅުވީ އެމެރިކާ ސިފައިން އަފްޣާނިސްތާނުން ފައިބައިފި ނަމަ އެއީ އެމެރިކާ ސިފައިންނަށް ލިބިގެން ދާ ޝަރަފަކަށް ނުވާނެ ކަމަށާއި އަދި އޭރުން ޓެރަރިސްޓުންނަށް އެމީހުންގެ ހަރަކާތްތައް ފުޅާ ކުރުމަށް ވެސް ފުރުސަތު ލިބިގެން ދާނެ ކަމަށެވެ. އަދި އެމެރިކާގެ ސިފައިންގެ އަދަދު އަފްޣާނިސްތާނުގައި އިތުރު ކުުރުމަށް ނިންމާފައިވާ ކަމަށް ވެސް ރައީސް ޓްރަމްޕް ވިދާޅުވިއެވެ. ނަމަވެސް މިއީ ރައީސް ބަރަކް އޮބާމާގެ ސަރުކާރުގައި ގެންގުޅުނު ސިޔާސަތާ ދިމާ އިދިކޮޅު ސިޔާސަތެކެވެ. ރައީސް އޮބާމާގެ ވެރިކަމުގައި އެމެރިކާ އިން ދިޔައީ އަފްޣާނިސްތާނުގައި ހަރަކާތްތެރިވާ ސިފައިންގެ 

އެެމެރިކާގެ ސަރުކާރުގެ އިސް އޮފިޝަލުން ވެެސް ވަނީ އަފްޣާނިސްތާނުގައި ތިބި އެމެރިކާގެ ސިފައިންގެ އަދަދު އިތުރު ކުރުމަށް ރައީސް ޓްރަމްޕް ނިންމާފައިވާ ކަމަށް ވިދާޅުވެފައެވެ. އަދި ޖޫން މަހު ރައީސް ޓްރަމްޕް ވަނީ އަފްޣާނިސްތާނުގައި ތިބި އެމެރިކާ ސިފައިންގެ އަދަދު މެނޭޖު ކުރުމުގެ ބާރު އެމަނިކުފާނުގެ ސެކްރެޓަރީ އޮފް ޑިފެންސްއަށް ޑެލިގޭޓް ކުރައްވާފައެވެ. 

އެމެރިކާގެ 8،400 ސިފައިން މިހާރު އަފްޣާނިސްތާނުގައި ދަނީ ހަަރަކާތްތެރި ވަމުންނެވެ.