ބަނގްލަދޭޝް ރައްޔިތަކު އަނެއްކާވެސް ކޮވިޑް-19 އަށް ޕޮޒިޓިވްވެއްޖެ
މާލެ ސަރަޙައްދުން ޕޮޒިޓިވްވި ކޭސްތަކުގެ އަދަދު ވަނީ 16ށް އަރާފަ
ލައިޝާ އަހްމަދު | 21 އެޕްރީލު 2020 | އަންގާރަ 09:47
އައިޖީއެމްއެޗް ލެބް- ސާމްޕަލްތައް ޓެސްޓް ކުރަނީ މި ލެބްގައި
މާލެ ސަރަޙައްދުން ބަނގްލަދޭޝް ރައްޔިތަކު އަނެއްކާވެސް ކޮވިޑް-19 އަށް ޕޮޒިޓިވް ވެއްޖެއެވެ.
އަންގާރަ ދުވަހު ހެލްތް ޕްރޮޓެކްޝަން އޭޖެންސީ (އެޗްޕީއޭ)އިން ކުރި ޓްވީޓެއްގައި ބުނީ، ބަނގްލަދޭޝް ރައްޔިތެއް (ކޭސް083) ގެ ގައިން ނެގި ސާމްޕަލް ތަކުގެ ނަތީޖާ ޕޮޒިޓިވްވެފައިވާ ކަމަށާއި، އޭނާ އައިސޮލޭޝަން ފެސިލިޓީއަށް ގެންދިއުމުގެ މަސައްކަތް ކުރަމުންދާ ކަމަށެވެ.
އަދި އޭނާއާ ގުޅުންހުރި ކޭސްތައް ހޯދުމުގެ މަސައްކަތް ކުރަމުންގެންދާ ކަމަށް އެޗްޕީއޭއިން ބުނެފައިވެއެވެ.
އެއާއެކު އަންގާރަ ދުވަހު މާލެ ސަރަޙައްދުން ޕޮޒިޓިވްވި ކޭސްތަކުގެ އަދަދު ވަނީ 16ށް އަރާފައެވެ. އެއީ 8 ދިވެހިންނާއި 6 ބިދޭސީންނެވެ.
