ސިފައިންގެ މަސައްކަތްތަކަށް ރައީސްގެ ޝުުކުރު!
21 އެޕްރީލު 2020 | އަންގާރަ 07:25ސިފައިން އަގުހުރި މަސައްކަތްތަކެއް ކޮށްދެއްވާ
މިދިޔަ އަހަރުގެ ނަސްރުގެ ދުވަހު ބޭއްވި ރަސްމިއްޔާތުގެ ތެރެއިން
ސިފައިންގެ 128 ވަނަ އަހަރީ ދުވަހުގެ ތަހުނިޔާ ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހު ފޮނުއްވައިފިއެވެ.
ސިފައިންގެ 128 ވަނަ އަހަރީ ދުވަހުގެ ތަހުނިޔާއާއި މުބާރިކްބާދީ ހުރިހާ ސިފައިންނަށް ދަންނަވަމުން، ރައީސް ސޯލިހު ވިދާޅުވީ، ދިވެހިރާއްޖޭގެ އިސްތިގްލާލާއި މިނިވަންކަން ދަމަހައްޓައި، ރައްޔިތުންގެ ރައްކާތެރިކަމަށް އަގުހުރި މަސައްކަތްތަކެއް، ދިވެހި ސިފައިން ކޮށްދެއްވަމުން ގެންދަވާ ކަމަށެވެ.
އެގޮތުން ގައުމާ ރައްޔިތުންގެ ރައްކާތެރިކަމަށް ކޮށްދެއްވާ އަގުހުރި މަސައްކަތްތަކަށް، ރައީސުލްޖުމްހޫރިއްޔާ ވަނީ އިޚްލާސްތެރި ޝުކުރު ފޮނުއްވާފައެވެ.
ރައީސް ސޯލިހު ޚާއްސަ ޝުކުރެއް ފޮނުވާފައިވާއިރު، ވޭތުވެދިޔަ 2019 ވަނަ އަހަރަކީ ސިފައިންގެއަށް ފަޚުރުވެރި ކުރިއެރުން ތަކެއް ލިބުނު އަހަރެއް ކަަމަށް ޗީފް އޮފް ޑިފެންސް ފޯސް މޭޖަރ ޖެނެރަލް ޢަބްދުﷲ ޝަމާލްވެސް ވަނީ ފާހަގަ ކުރައްވައިފައެވެ. ހަމަ އެހެންމެ ޑިފެންސް މިނިސްޓަރު މާރިޔާ އަހުމަދު ދީދީ ސިފައިންގެ ޚިދުމަތްތައް ރަން އަކުރުން ފަވާލައްވާކަމަށް ވިދާޅުވެ، ވަރަށް ބޮޑަށް ތައުރީފް ކުރައްވާފައިވެއެވެ.
