ފުރަތަމަ ފަހަރަށް މާލޭގައި އުޅޭ ބަންގްލާދޭޝްގެ ރައްޔިތަކު ކޮވިޑް-19ށް ޕޮސިޓިވް ވެއްޖެ
މި މީހާ ޑައިރެކްޓް ކޮންޓެކްޓް ވެފައިވަނީ ދިވެއްސަކާ
ސާމްޕަލް ނަގާ ޓެސްޓު ކުރުމުގެ މަސައްކަތް ކުރިއަށްދަނީ
މާލެއިން ކޮވިޑް-19 އަށް ޕޮޒިޓިވް ވި މީހުންގެ އަދަދު 12 ށް އަރައިފިއެވެ.
މިއީ މާލޭން ބައްޔަށް ޕޮސިޓިވްވި ބަންގްލަދޭޝްގެ ފުރަތަމަ މީހާއެވެ.
ހެލްތް ޕްރޮޓެކްޝަން އެޖެންސީ (އެޗްޕީއޭ) އިން ބުނީ މި މީހާ ޑައިރެކްޓް ކޮންޓެކްޓްވެފައިވަނީ ކުރިން ޕޮސިޓިވްވި ދިވެއްސަކާ ކަމަށެވެ.
ވަރަށް މުއުތަބަރު ގޮތެއްގައި އެނގިފައިވާ ގޮތުން މި މީހާއަކީ ދިވެއްސަކާ ކައިވެނި ކޮށްގެން އުޅޭ މީހެކެވެ.
ރާއްޖެއިން މިހާތަނަށް ޖުމްލަ ކޮވިޑް-19 32 ކޭސް ފެނިފައިވާއިރު މި ވައިރަސް އިން 16 މީހަކު ވަނީ ރަނގަޅުވެފައެވެ.
ފާއިތުވެދިޔަ 24 ގަޑިއިރުގެ ޖުމްލަ 6 ކޭސް ވަނީ މިހާތަނަށް ފެނިފައެވެ.
ސަރުކާރުގެ ފަރާތުން ބުނީ ކުރިއަތް އޮތް 14 ދުވަހަކީ ޕީކް ދުވަސްތަކެއްކަމުން މި ވައިރަސް ފެތުރޭ މިންވަރު އިތުރުވެގެންދާނެ ކަމަށެވެ. އެހެންކަމުން ރައްޔިތުން މިކަމަށް އިތުރަށް ސަމާލުވެ، ގައިދުރުކަން ބެހެއްޓުމަށް ކަމާ ގުޅޭ މުއައްސާތަކުން ދަނީ ތަކުރާރުކޮށް އިލްތިމާސްކުރަމުންނެވެ.
