ކ. މާލެ
|
31 މާރޗް 2017 | ހުކުރު 22:24
ޕީޕީއެމް ރައީސްގެ އޮފީސް
ޕީޕީއެމް ރައީސްގެ އޮފީސް
މުހައްމަދު ޝަރުހާން
ޕީޕީއެމް
ޕީޕީއެމްގެ ރައީސްގެ އޮފީހުގެ ނަންބޯޑާއި ދިދަ އިރުއޮއްސި ހައެއް ޖެހުމުގެ ކުރިން ނެގުމަށް ފުލުހުން އަންގައިފި
 
ޕީޕީއެމްއާ ގުޅުން ނެތް ބަޔަކު އެ ޕާޓީގެ ދިދަ އާއި ނަމާއި ލޯގޯ ބޭނުންކޮށްގެން ހަރަކާތްތައް ހިންގުން ހުއްޓުވަން ސިވިލް ކޯޓުން ވަނީ އަމުރު ނެރެފައި

ޕީޕީއެމްގެ ރައީސްގެ އޮފީހުގެ ނަންބޯޑާއި އަދި އެ އޮފީހުގައި ހުރި ޕީޕީއެމްގެ ދިދަ އިރުއޮއްސި ހައެއް ޖެހުމުގެ ކުރިން ނެގުމަށް މޯލްޑިވްސް ޕޮލިސް ސާވިސް އިން އަންގައިފިއެވެ.

ފުލުހުންގެ ފަރާތުން ޕީޕީޕީއެމްގެ ރައީސް މައުމޫން އަބްދުލް ގައްޔޫމަށް އެންގި އެންގުމުގައި ބުނެފައި ވަނީ މީގެ ފަހުން ޕީޕީއެމްގެ ރައީސްގެ ނަމަުގައި އޮފީހެއް ނުހިންގުމަށާއި ޕީޕީއެމްގެ ދިދަ އާއި ލޯގޯ ބޭނުން ކޮށްގެން ނުވާނެ ކަމަށެވެ. އަދި ޕީޕީއެމްގެ ނަމަުގައި ޖަލްސާ ބާއްވާ އެއްވެސް ހަރަކާތެއް މިއަދުން ފެށިގެން ހިންގައިގެން ނުވާނެ ކަމަށް ވެސް އަންގާފައި ވެއެވެ.

ހަމައެހެންމެ ޕީޕީއެމްގެ ރައީސްގެ އޮފީހުގެ ނަމުގައި ހ. ތެމާގައި ހަދާފައިވާ އޮފީސް ނުހިންގުމަށާއި އަދި ހ. ތެމާގައި ނަގާފައިވާ ޕީޕީއެމްގެ ދިދަ އާއި ނަންބޯޑު ހުކުރު ދުވަހުގެ 18:00 ކުރިން އެތަނުން ނެގުމަށް ފުލުހުން އެންގުމުގައި ބުނެފައި ވެއެވެ.

މީގެ އިތުރުން އެ އެންގުމުގައި ބުނެފައި ވަނީ ފުލުހުންގެ މި އެންގުމާ ހިލާފްވެގެން ފުލުހުން އެތަނުން ދިދަަ އާއި ނަންބޯޑު ނަަގަން ޖެހިއްޖެ ހާލަތެއްގައި ދިދަ އާއި ނަންބޯޑު ނެގުމުގެ ތެރޭގައި ތަނަށް އަދި އެއްޗަކަށް ލިބޭ އެއްވެސް ގެއްލުމަކަށް ފުލުހުން ޒިންމާ ނުވާނެ ކަމަށެވެ.

ނަންބޯޑާއި ދިދަ ނަގަން ފުލުހުން އަންގާފައި މި ވަނީ އެކަން ހުއްޓުވުމަށް ފުލުހުންގެ މައްޗަށް ސިވިލް ކޯޓުން އަމުރެއް ނެރެފައި ވަނިކޮށެވެ. 

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: އަލީ ޔޫސުފް
0%
0%
0%
0%
0%
0%
ކޮމެންޓް