ކޮވިޑް-19 އާ ގުޅިގެން އައްޑޫ ސިޓީގައި ބޭރަށް ނިކުމެ ނޫޅުމަށް އިލްތިމާސްކޮށްފި އެވެ.
އައްޑޫ ސިޓީ ކައުންސިލުން ބުނީ މުޅި ދުނިޔެއަށް ހަލުވިކަމާއެކު ފެތުރެމުންދާ ކޮވިޑް 19 އަށް މަލެއިން ތިން ފަރާތެއް ޕޮޒިޓިވްވެފައިވާއިރު، މާލެ އާއި އައްޑޫސިޓީއާ ދެމެދު ވަރަށް ގިނަ އަދަދެއްގެ ރައްޔިތުން ވައިގެ މަގުން ދަތުރު ކޮށްފައިވާ ކަމަށެވެ.
ކޮވިޑް-19 އާ ގުޅޭ އެއްވެސް އަލާމާތެއް ފެނިއްޖެނަމަ، އައްޑޫ ފްލޫ ކުލިނިކް 6884973 ނަންބަރަށް ގުޅައި އެފަރާތުގެ އިރުޝާދާ އެއްގޮތަށް އަމަލުކުރުމަށް އައްޑޫސިޓީ ކައުންސިލުން ނަސޭހަތްތެރިވެފައިވެ އެވެ.
ކައުންސިލުން ބުނީ މި ވައިރަސް ފެތުރުން ހުއްޓުވުމުގެ ގޮތުން ހެލްތް ޕްރޮޓެކްޝަން އެޖެންސީން ދޭ އިރުޝާދުތަކާ އެއްގޮތަށް ރައްކާތެރިކަމުގެ ގޮތުން އަޅަންޖެހޭ ފިޔަވަޅުތައް އެޅުއްވުމަށް އެދޭ ކަމަށެވެ. އަދި އައްޑޫ ސިޓީގައި މި ބަލިން ރައްކާތެރިވުމުގެ ފިޔަވަޅެއްގެ ގޮތުން ޒަރޫރީ ބޭނުމަކަށް ނޫނީ ބޭރަށް ނިކުމެ ނޫޅުމަށް އިލްތިމާސްކުރާ ކަމަށެވެ.
އެގޮތުން ދަތުރު ނުދިއުމަށާއި، މާހެފުންތައް ނުބޭއްވުމަށް އަދި ޢާއްމު މައިދާން (ޕާކް/ކުޅިވަރު މައިޒާން) ތަކަށް އެއްވެ ނޫޅުކަމަށް ކައުންސިލުން އަންގާފައިވެ އެވެ. މިހާތަނަށް އައްޑޫ ސިޓީ އިން ކޮވިޑް-19 އަށް ޕޮޒިޓިވް އެއްވެސް ފަރާތެއް ފެނިފައެއް ނުވެ އެވެ.
