ކޮވިޑް-19 އަށް ޕޮޒިޓިވްވި މީހުންގެ އަދަދު 2 މިލިއަނަށް އަރައިފި އެވެ.

މިހާތަނަށް އާއިރު މުޅި ދުނިޔެއިން ކޮވިޑް-19 ޖެހުނު މީހުންގެ އަދަދު ދެ މިލިއަނަށްވުރެ މައްޗަށް އަރާފައިވާއިރު މި ބަލި ޖެހިގެން މަރުވި މީހުންގެ އަދަދު ވަނީ 126,754 އަށް އަރާފަ އެވެ. ވައިރަސް ޖެހިގެން ރަނގަޅުވި މީހުންގެ އަދަދުވަނީ 484,597 އަށް އަރާފަ އެވެ.

އެންމެ ގިނަ މީހުންނަށް ވައިރަސް ޖެހިގެން ރިޕޯޓްކުރަމުން އަންނަނީ އެމެރިކާއިންނެވެ. އެއީ 614,246 މީހުންނެވެ. އެމެރިކާއިން ވައިރަސް ޖެހިގެން މަރުވި މީހުންގެ އަދަދު އުޅެނީ 26,064 ގައެވެ. ދެވަނަ އަށް އެންމެ ގިނައިން ވައިރަސް ޖެހޭ މީހުން ފެންނަމުންދާ ސްޕެއިން ވަނީ 174,060 މީހުންނަށް ވައިރަސް ޖެހިފަ އެވެ. އެގައުމުން މަރުވި މީހުންގެ އަދަދު ވަނީ 18,255 އަށް އަރާފަ އެވެ. އިޓަލީން ވައިރަސް ޖެހިފައިވާ މީހުންގެ އަދަދު އުޅެނީ 162,488 އަށް އަރާފަ އެވެ. އިޓަލީން މަރުވެފައިވާ މީހުންގެ އަދަދުވަނީ 21,067 އަށް އަރާފައެވެ.

ހަތަރު ވަނަ އަށް އެންމެ ގިނަ މީހުންނަށް ވައިރަސް ޖެހިގެން ރިޕޯޓްކުރަމުން އަންނަނީ ފްރާންސުންނެވެ. މިހާތަނަށް ފްރާންސުން 143,303 މީހުން ވަނީ ވައިރަސް ޖެހިފަ އެވެ. އަދި 15,729 މީހުންވަނީ ފްރާންސުން މަރުވެފަ އެވެ. ފަސް ވަނައަށް އެންމެ ގިނަ މީހުންނަށް ވައިރަސް ޖެހިގެން ރިޕޯޓްކުރަމުން އަންނަ ޖަރމަނީން 132,210 މީހުންނަށް ވަނީ ވައިރަސް ޖެހިފަ އެވެ. ވައިރަސް ޖެހިގެން އެގައުމުން 3,495 މީހުން ވަނީ މަރުވެފައެވެ.

ކޮވިޑް-19 ހަލުވިކަމާއެކު މުޅި ދުނިޔޭގައި ފެތުރެމުންދާއިރު ދުނިޔޭގެ 215 ގައުމަކާއި ސަރަހައްދަކުން ވަނީ ފެނިފައެވެ.