ކޮވިޑް-19: ރޯދަ މަހު އުރުދުންގެ މިސްކިތްތައް ބަންދު
15 އެޕްރީލު 2020 | ބުދަ 01:53ކޮވިޑް-19 އާ ގުޅިގެން ގިނަ ފިޔަވަޅުތަކެއް ދަނީ އަޅަމުން
އުރުދުންގެ މިސްކިތެއް
ހަލުވިކަމާއި އެކު ފެތުރުމެންދާ ކޮވިޑް-19 ފެތުރުން ކޮންޓްރޯލް ކުރުމުގެ ގޮތުން އަޅާ ފިޔަވަޅެއް ގޮތުން ރޯދަ މަހު އުުރުދުންގެ މިސްކިތްތަކުގައި ޖަމާޢަތުގައި ނަމާދުކުރުން މަނާކޮށްފިއެވެ.
އަންގާރަ ދުވަހުގެރޭ، ނޭޝަނަލް ސެންޓަރ ފޮރ ސެކިއުރިޓީ އެންޑް ކްރައިސިސް މެނޭޖްމެންޓުން ބޭއްވި ޕްރެސް ކޮންފަރެންސެއްގައި އިސްލާމިކް މިނިސްޓަރު މުހައްމަދު ހަލައިކެ ވިދާޅުވީ، ރޯދަ މަހުވެސް މިސްކިތްތައް ބަންދުވާނެ ކަމަށެވެ. އަދި ރައްކާތެރި ކަމުގެ ފިޔަވަޅެއްގެ ގޮތުން ތަރާވީސް ނަމާދުވެސް ގޭގައި ކުރަން އޭނާ ވަނީ އިލްތިމާސް ކުރައްވާފައެވެ.
ގައިދުރުކުރުމުގެ މުހިއްމުކަން ފާހަގަކުރައްވަމުން މިނިސްޓަރު ވިދާޅުވީ، ސައިންޓްފިކް ކައުންސިލްގެ ބައްދަލުުވުންތަކަށް ވެސް މީހުން ނުވައްދާ ޓީވީ މެދުވެރިކޮށް ކުރިޔަށް ގެންދިޔުމަށް ހަމަޖެހިފައިވާ ކަމަށެވެ.
ކޮވިޑް-19 ފެތުރުން ކޮންޓްރޯލް ކުރުމުގެ ގޮތުން ކާފިޔު ހިންގާ މީހުން އެއްތަނަކަށް ޖަމާވުން ވަނީ މަނާކޮށްފައެވެ. މިހާތަނަށް އުރުދުން އިން 397 މީހަކަށް ވަނީ ކޮވިޑް-19 ޖެހިފައެވެ. ބަލީގައި 235 ރަނގަޅުވެފައިވާއިރު، ހަތް މީހަކު ވަނީ މަރުވެފައެވެ.
