ކ. މާލެ
|
13 އޭޕްރިލް 2020 | ހޯމަ 07:16
ތެޔޮ ރިފައިނަރީއެއް
ތެޔޮ ރިފައިނަރީއެއް
ގެޓީ އިމޭޖަސް
ތެޔޮ
ތެޔޮ އުފައްދާ މިންވަރު ދަށް ކުރުމާ މެދު އެއްބަސްވުމަކަށް އާދެވިއްޖެ
 
ބައެއް ގައުމުތަކުން ތެލުގެ އަގާމެދު ކޯޅުންގަނޑުވަނީ ބޮޑުވެފައި
 
މިނިންމުން ނިންމާފައިވަނީ ކޮވިޑް-19އާ ގުޅިގެން ތެލަށް އޮތް ޑިމާންޑް ދަށްވުމާ ގުޅިގެން

ތެލަށް އޮތް ޑިމާންޑު ކުޑަވެ ތެލުގެ އަގު ދަށަށް ދިއުމާ ގުޅިގެން، ތެޔޮ އުފައްދާ މިންވަރު ދަށް ކުރުމަށް ދުނިޔޭގެ ހަކަތަ އުފައްދާ ގައުމުތަކުން ނިންމައިފި އެވެ.

އާދިއްތަ ދުވަހު އޯގަނައިޒޭޝަން އޮފް ޕެޓްރޯލިއަމް އެކްސްޕޯޓިން ކަންޓްރީސް (އޯޕެކް) އާއި އެހެނިހެން ބައެއް ގައުމުތަކުން ގުޅިގެން މި ނިންމުން ނިންމާފައިވަނީ ކޮވިޑް-19އާ ގުޅިގެން ތެލަށް އޮތް ޑިމާންޑް ދަށްވެ، ސައުދީ އަރަބިއްޔާ އާއި ރަޝިޔާ ފަދަ ގައުމުތަކުން ތެލުގެ އަގާ މެދު ކޯޅުންގަނޑު ބޮޑުވެފައިވަނިކޮށެވެ.

އެގޮތުން އެތައް ދުވަހެއްގެ މަޝްވަރާއަށްފަހު އާދިއްތަ ދުވަހު ގައުމުތަކުން ބޭއްވި ކުއްލި ވީޑިއޯ ކޮންފަރެންސްއެއްގައި ނިންމާފައިވަނީ ތެޔޮ އުފައްދާ މިންވަރު ދުވާލެއްގެ މައްޗަށް 9.7 މިލިއަން ފީފާއަށް ދަށްކުރުމަށެެވެ. މިއީ ވޭތުވެދިޔަ ދުވަސްތަކުގައި ގައުމުތަކުން ތެޔޮ އުފައްދާ މިންވަރު މިހާބޮޑަށް ދަށްކުރި ފުރަތަމަ ފަހަރު ކަމަށް ރިޕޯޓުތަކުން ބުނެ އެވެ.

ކޮވިޑް-19 އާ ގުޅިގެން ދުނިޔޭގެ އިގްތިސާދަށް އައިސްފައިވާ ހީނަރުކަމާއި ގުޅިގެން، ތެލަށް އޮތް ޑިމާންޑުގެ ތިން ބައި ކުޅަ އެއްބައި ވަނީ ދަށަށް ގޮސްފަ އެވެ. އަދި މިހާރު މި ނިންމި ނިންމުމާ ގުޅިގެން ވެސް، ޑިމާންޑަށް ވުރެ ސަޕްލައި އިތުރު ވާނެ ކަމަށާއި، މިކަމުގެ ސަބަބުން ތެލުގެ އަގުތަކަށް މާ ބޮޑެތި ބަދަލުތަކެއް ނާންނާނެ ކަމަށް މާހިރުން ވަނީ އަންދާޒާ ކޮށްފަ އެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: އަމަން ހަލީމް
100%
0%
0%
0%
0%
0%
ކޮމެންޓް