ފެށޭ ހަފްތާ ބަންދުވި ނަމަވެސް މާލެސިޓީ ކައުންސިލްގެ ބައެއް ސެކްޝަންތަކުގެ ޚިދުމަތް ލިބޭނެ!
11 އެޕްރީލު 2020 | ހޮނިހިރު 13:31ކައުންސިލްގެ ފައިނޭންޝަނަލް މެނޭޖްމަންޓް ސެކްޝަންގެ ޚިދުމަތް ލިބޭނެ
މާލެސިޓީ ކައުންސިލްގެ މެމްބަރުން
ކޮވިޑް-19 އާ ގުޅިގެން މިފެށޭ ހަފްތާ ބަންދުވި ނަމަވެސް މާލެސިޓީ ކައުންސިލްގެ ބައެއް ސެކްޝަންތަކުގެ ޚިދުމަތް ލިބޭނެ ކަމަށް އެ ކައުންސިލުން ބުނެފިއެވެ.
މާލެ ސިޓީ ކައުންސިލުން ބުނީ ކޮވިޑް-19 އާއި ގުޅިގެން، މި މަހުގެ 12 ވަނަ ދުވަހުން ފެށިގެން 16 ވަނަ ދުވަހަށް ސަރުކާރު ބަންދުވި ނަމަވެސް ކައުންސިލްގެ ފައިނޭންޝަނަލް މެނޭޖްމަންޓް ސެކްޝަނާއި ޖެނެރަލް އެޑްމިނިސްޓްރޭޝަން އެންޑް ފްރަންޓް އޮފީހާއި ޕްރޮކިއުމަންޓް ސެކްޝަން ހުޅުވައިގެން ޚިދުމަތް ދިނުމަށް ހަމަޖެހިފައިވާ ކަމަށެވެ.
އެގޮތުން މި މަހުގެ 13،14 އަދި 16 ގައި ހެނދުނު 10:00 އިން 12:00 އަށް ފައިނޭންސް މެނޭޖްމަންޓް ސެކްޝަން/މައްޗަން ގޯޅި އޮފީހުން ފައިސާ ބަލައިގަންނާނެ ކަމަށާއި، މި މަހުގެ 12،14 އަދި 16 ގައި 10:30 އިން 12:30 އަށް ޖެނެރަލް އެޑްމިނިސްޓްރޭޝަން އެންޑް ފްރަންޓް އޮފީސް/ އެމް.ޑަބްލިޔު.އެސް.ސީ ކަސްޓަމަރ ސަރވިސްގެ 4 ވަނަ ފަންގިފިލާއިން ސިޓީ، ބިލް، އަދި އެހެނިހެން ތަކެތި ބަލައިގަންނާނެ ކަމަށެވެ. މީގެ އިތުރުން މި މަހުގެ 12،14، އަދި 16 ގައި 10:30 އިން 12:30 އަށް ޕްރޮކިއުމަންޓް ސެކްޝަން/ އެމް.ޑަބްލިޔު.އެސް.ސީ ކަސްޓަމަރ ސަރވިސްގެ 4 ވަނަ ފަންގިފިލާ އިން ޕްރޮކިއުމަންޓާ ގުޅޭ މަސައްކަތްތައް ކުރިއަށް ގެންދާނެ ކަމަށެވެ.
ޖެމްސް ބޭނުންކުރާ އިދާރާތަކުން ޖެމްސް މެދުވެރިކޮށް ސިޓީ އާއި ތަކެތި ފޮނުއްވުމަށާއި އަދި ޢާއްމު ފަރާތްތަކުން ފޮނުވާ ސިޓީއާއި އެހެނިހެން ތަކެތި މެއިލް މެދުވެރިކޮށް ފޮނުވުމަށް ވެސް ސިޓީ ކައުންސިލުން އެދިފައިވެއެވެ.
