ކ. މާލެ
|
4 އޭޕްރިލް 2020 | ހޮނިހިރު 03:15
އެމެރިކާގެ ރައީސް ޑޮނަލްޑް ޓްރަމްޕް
އެމެރިކާގެ ރައީސް ޑޮނަލްޑް ޓްރަމްޕް
ގޫގުލް
ކޮވިޑް-19
އެމެރިކާއިން މެޑިކަލް ސަޕްލައިސް އެކްސްޕޯޓްކުރުން ޓްރަމްޕް މަނާކޮށްފި
 
ހަކަތައިގެ އެކި މަސައްކަތްތައް ކުރާ ކުންފުނިތައް އެއް ހަމައެއްގައި ހިފެހެއްޓުމަށް މަސައްކަތް ކުރާނެ
 
އެމަނިކުފާނުވެސް އަމިއްލަފުޅަށް މާސްކް ބޭނުން ނުކުރައްވާނެ
 
ސަރުކާރުން އެ ޤައުމުގެ ސްޓޭޓުތަކަށް ބޭނުންވާ ސިއްޙީ އާލަތްތައް ފޮނުވާނެ

އެމެރިކާއިން މެޑިކަލް އާލަތްތައް އެ ޤައުމުން ބޭރަށް އެކްސްޕޯޓް ކުރުން އެމެރިކާގެ ރައީސް ޑޮނަލްޑް ޓްރަމްޕް މަނާ ކުރައްވައިފިއެވެ.

ހޮނިހިރު ދުވަހު ވައިޓްހައުސްގައި ބޭއްވި ނޫސްވެރިންގެ ބައްދަލުވުމުގައި ވާހަކަދައްކަވަމުން ޓްރަމްޕް ވިދާޅުވީ، ބޭނުންތެރި އަދި މިވަގުތަށް ޒަރޫރީ މެޑިކަލް އާލަތްތައް އެ ޤައުމުން އެކްސްޕޯޓް ކުރުން މަނާކުރައްވާ ކަމަށާއި، އެ ތަކެތީގެ ބޭނުން އެމެރިކާއަށް މިވަގުތު މާ ބޮޑު ކަމަށެވެ.

އެގޮތުން ހޯމްލޭންޑް ސެކިއުރިޓީ އޭޖެންސީއާއި، އެމަޖެންސީ މެނޭޖްމަންޓް އޭޖެންސީން ގުޅިގެން މިހާރުވެސް "އެން-95" މާސްކްއާއި އެހެނިހެން ސިއްޙީ އާލަތްތައް އެކްސްޕޯޓް ކުރުން ހުއްޓުވުމުގެ މަސައްކަތްތައް ކުރަމުންދާކަމަށް ޓްރަމްޕް ވިދާޅުވިއެވެ. އަދި އެމެރިކާ ސަރުކާރުން އެ ޤައުމުގެ ސްޓޭޓުތަކަށް ބޭނުންވާ ސިއްޙީ އާލަތްތައް ފޮނުވުމުގެ މަސައްކަތް މިހާރު ކުރަމުންދާ ކަމަށް ޓްރަމްޕް ވިދާޅުވިއެވެ.

ޓްރަމްޕް އިތުރަށް ވިދާޅުވީ، ސެންޓަރ ފޮރް ޑިޒީޒް ކޮންޓްރޯލް (ސީޑީސީ) އިން މިހާރު އެމެރިކާ ރައްޔިތުންވެސް އާދައިގެ ފޮތި މާސްކް އެޅުމަށް އިރުޝާދުދޭ ކަމަށާއި، ނަމަވެސް އެއީ އެމީހެއްގެ އަމިއްލަ ނިންމުމެއް ކަމަށެވެ. އަދި ސީޑީސީން އެހެން އިރުޝާދު ދިން ނަމަވެސް އެމަނިކުފާނުވެސް އަމިއްލަފުޅަށް މާސްކް ބޭނުން ނުކުރައްވާނެ ކަމަށްވެސް ވިދާޅުވިއެވެ.

އޭގެ އިތުރުން، މިހާރު ހަކަތައިގެ އެކި މަސައްކަތްތައް ކުރާ ކުންފުނިތައް އެއް ހަމައެއްގައި ހިފެހެއްޓުމަށް މަސައްކަތް ކުރަމުންދާކަމަށް ވިދާޅުވެ ޓްރަމްޕް އިތުރަށް ވިދާޅުވީ، ހުކުރު ދުވަހު އެފަދަ ކުންފުނިތަކުގެ ވެރިންނާ ބައްދަލުކޮށް މަޝްވަރާ ކޮށްފައިވާނެ ކަމަށާއި، އެ ފަރާތްތަކަށް ބޭނުންވާ ކަންކަން ސަރުކާރުން ފުއްދައިދިނުމަށް ކުރެވެން ހުރި ހުރިހާ މަސައްކަތެއް ކުރައްވާނެ ކަމަށެވެ.

އެމެރިކާއިން މިހާތަނަށް 274،000 އަށްވުރެ ގިނަ މީހުން ވައިރަސްއަށް ޕޮޒިޓިވްވެފައިވާއިރު، 7000 އަށްވުރެ ގިނަ މީހުން މަރުވެފައިވެއެވެ. އަދި 5000 އަށްވުރެ ގިނަ މީހުން ސީރިއަސް ޙާލަތުގައި ތިބިއިރު، އެމެރިކާއަކީ މުޅި ދުނިޔެއިންވެސް އެންމެ ގިނަ އަދަދަކަށް ކޮވިޑް-19 އަށް މީހުން ޕޮޒިޓިވްވި ޤައުމެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: އަބުދުﷲ ނަސީރު އިބްރާހިމް
33%
0%
50%
17%
0%
0%
ކޮމެންޓް