ކޮވިޑް-19: ތިން ދުވަސް ތެރޭގައި ފުރަތަމަ ފަހަރަށް ޗައިނާގެ އެތެރެއިން ކޭސްއެއް ފެނިއްޖެ

ފާއިތުވި ތިން ދުވަސް ތެރޭގައި ފުރަތަމަ ފަހަރަށް ޗައިނާގެ އެތެރެއިން ކޮވިޑް-19 ކޭސްއެއް ފެނިއްޖެއެވެ.

ފާއިތުވި ތިން ދުވަސް ތެރޭގައި އައު އިމްޕޯޓެޑް ކޭސްގެ ގޮތުގައި ވަނީ 54 ކޭސްއެއް ފެނިފައެވެ. އޭގެ ތެރެއިންވެސް ގިނައީ އެހެން ގައުމުތަކުގައި ދިރިއުޅުމަށްފަހު އެނބުރި ގައުމަށް އަންނަ ޗައިނާގެ ރައްޔިތުންނެވެ.

ރިޕޯޓްތައް ބުނާގޮތުން އެހެން ދިމާވަނީ ޗައިނާއިން އިންޓަނޭޝަނަލް ފްލައިޓްތައް ހުއްޓާލާފައިވާތީ އެވެ. އެގޮތުން އެންމެ ގިނައިން އިންޕޯޓެޑް ކޭސްތައް ފެނިފައިވަނީ ޗައިނާގެ ޝަންހާއިންނެވެ.

ޗައިނާއިން ކޮވިޑް-19 އަށް ވަނީ މިހާތަނަށް 81،341 މީހެއް ވަނީ ޕޮޒިޓިވް ވެފައެވެ. އަދި މި ވައިރަސްގެ ސަބަބުން މަރުވި މީހުންގެ އަދަދު ވަނީ 3292 އަކަށް އަރާފައެވެ.

ފާއިތުވި 24 ގަޑިއިރު ތެރޭގައި މި ވައިރަސް ޖެހުނު މީހުން އަދަދު އިތުރުވެފައިވަނީ އެމެރިކާއިންނެވެ.