ކ. މާލެ
|
27 މާރޗް 2020 | ހުކުރު 07:25
އިންޑިއާ ވަނީ 21 ދުވަހުގެ މުއްދަތަކަށް ލޮކްޑައުން ކޮށްފައި
އިންޑިއާ ވަނީ 21 ދުވަހުގެ މުއްދަތަކަށް ލޮކްޑައުން ކޮށްފައި
އިންޑިއަން އެކްސްޕްރެސް
ކޮވިޑް-19
އިންޑިއާގައި ކޮވިޑް-19 އަށް ޕޮޒިޓިވްވި މީހުންގެ އަދަދު 727 އަށް
 
ގައުމު އޮތީ ލޮކްޑައުން ކޮށްފައި

އަވަށްޓެރި އިންޑިއާގައި ކޮވިޑް-19 އަށް ޕޮޒިޓިވްވި މީހުންގެ އަދަދު 727 އަރައިފި ކަމަށް އެ ގައުމުގެ ހެލްތް މިނިސްޓްރީން ބުނެފިއެވެ.

ބަލި ޖެހިގެން 20 މީހަކު މަރުވެފައިވާއިރު، 46 މީހަކު ބަލިން ރަނގަޅުވެފައިވެފައެވެ.

އާބާދީގައި 1.3 ބިލިއަން މީހުން ދިރިއުޅޭ އިންޑިއާގައި ވަނީ، މި މަހުގެ 24 ފެށިގެން 21 ދުވަހުގެ މުއްދަތަކަށް ލޮކްޑައުން ކޮށްފައެވެ. އެކަން އިއުލާން ކުރައްވަމުން ބޮޑު ވަޒީރު މޯދީ ވިދާޅުވެފައިވަނީ އެ ފިޔަވަޅު އެޅީ، ރައްޔިތުންގެ ރައްކާތެރި ކަމަށްޓަކައި ކަމަށެވެ.

މޯދީ ވިދާޅުވީ، ސިއްހީ މާހިރުން ބުނާގޮތުންނަމަ އިންފެކްޝަންގެ ސައިކަލް ހުއްޓުވުމަށް މަދުވެގެން 21 ދުވަސް ބޭނުންވެއެވެ. އަދި ކުރިޔަށް އޮތް 21 ދުވަސް ތެރޭގައި ޕެންޑެމިކް މެނޭޖް ނުކުރެވިއްޖެނަމަ މީގެ 21 އަހަރު ކުރިޔަށް އައިލާތައް ދާނެ ކަމަށެވެ. އިންޑީއާގައި ކޮވިޑް-19 ޖެހުނު މީހުން ވަނީ 500 އަށްވުރެ މައްޗަށް އަރާފައެވެ. މޯދީ ވިދާޅުވީ، ލޮކްޑައުންގައި އަމަލު ކުރަމުންދަނީ ކާފިޔުގައި އަމަލުކުރާ ގޮތަށް ކަމަށެވެ.

ލޮކްޑައުންގެ ސީދާ އަސަރުކުރާ ފަރާތްތަކަށް 1.8 ލައްކަ ކްރޯޑް ރުޕީސްގެ ޕެކޭޖެއްދޭން ނިންމާފައިވާ ކަމަށް ފިނޭންސް މިނިސްޓަރު ވަނީ ވިދާޅުވެފައެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: ސިމާހާ ނަސީމް
0%
0%
100%
0%
0%
0%
ކޮމެންޓް
27 މާރޗް 2020 | ހުކުރު 10:07
ދޮގޭ
އެން.ޑީ ޓީވީ ގެ އަޕްޑޭޓަށް ބަލާއިރު މިއަދު ހެނދުނާ ހަމައަށް މަރުވި މީ ހުންގެ އަދަދު އުޅެނީ 17 ރައިގާ. އެއްވެސް ޗެނަލަކުން 20 ނުފެނޭ. އޮޅުވާނުލާ.