ކޮވިޑް-19: އޭޑީކޭ ހޮސްޕިޓަލުން އޯ.ޕީ.ޑީ ޚިދުމަތް ދޭ ގަޑިއަށް ބަދަލު ގެނެސްފި
އޯޕީޑީ ގަޑިތަކަށް ބަދަލު ގެނައި ނަމަވެސް އެހެން ޚިދުމަތްތައް ކުރިން ވެސް ލިބެމުން އައި ގޮތަށް ލިބޭނެ
އޭޑީކޭ ހޮސްޕިޓަލް
އޭޑީކޭ ހޮސްޕިޓަލުން ފޯރުކޮށްދޭ އޯ.ޕީ.ޑީ ޚިދުމަތްތައް ދޭ ގަޑިއަށް ބަދަލު ގެނެސްފިއެވެ.
އެ ހޮސްޕިޓަލުން ބުނީ އޯ.ޕީ.ޑީގެ ޚިދުމަތް މިއަދުން ފެށިގެން ލިބޭނީ ހެނދުނު 8:00 އިން ފެށިގެން ރޭގަނޑު 8 އަކަށް ކަމަށެވެ. އަދި މިގޮތަށް ނިންމާފައިވަނީ ކޯވިޑް-19 އިން ރައްކާތެރިވުމަށް ކުރާ މަސައްކަތްތައް އިތުރަށް ވަަރުގަދަ ކުރުމަށް ކަމަށް ވެސް އެ ހޮސްޕިޓަލުން ބުނެއެވެ.
އޯ.ޕީ.ޑީގެ ޚިދުމަތައް ބަދަލު ގެނައި ނަމަވެސް އެހެން ޚިދުމަތްތައް ކުރިން ވެސް ލިބެމުން އައި ގޮތަށް ލިބޭނެ ކަމަށް އޭޑީކޭ ހޮސްޕިޓަލުން ބުނެއެވެ.
އޭޑީކޭ ހޮސްޕިޓަލުން ކޮވިޑް-19 އާ ދެކޮޅަށް ކުރަމުންދާ މަސައްކަތުގެ ދަށުން އޮންލައިން ފްލޫ ކްލިނިކެއް ވަނީ މިމަހުގެ 14 ވަނަ ދުވަހު ހުޅުވާފައެވެ. އޮންލައިންކޮށް ފްލޫ ކްލިނިކްގެ ހިދުމަތް ހޯދަން ބޭނުންވާ ފަރާތްތަކަށް ހެނދުނު 8:00 ން ރޭގަނޑު 8:00 އަށް އެޕޮއިންޓްމެންޓް ހެއްދޭއިރު، މި ޚިދުމަތް އެހޮސްޕިޓަލުން ފޯރުކޮށްދެނީ ހިލޭއެވެ.
އަރިދަފުސް ރޯގާ އާއި ހުމުގެ އެއްވެސް އަލާމާތެއް ހުރި މީހެއް ނަމަ ނުވަތަ ރާއްޖެއިން ބޭރަށް ދަތުރުކޮށްފައި އައި ފަހުން ބަލީގެ އެއްވެސް އަލާމާތެއް ފެންނަ ނަމަ އޮންލައިން ފްލޫ ކްލިނިކަށް ދެއްކޭނެ އެވެ.
މީގެ އިތުރުން އޭޑީކޭ އިން ވަނީ ދިގު މުއްދަތަށް ބޭސް ބޭނުންކުރާ މީހުންނާއި، ދުވަސްވީ މީހުންނަށް ޚާއްސަ "އޮންލައިން ސްޕެޝަލިސްޓް ޖީޑީ ކްލިނިކް" އެއް ވެސް ޤާއިމުކޮށްފައެވެ.
