ޓޫރިސްޓުންނަށް ސަޕޯރޓް ސެންޓަރެއް އެޗްއައިއެޗް އަދި ވެލާނާ އިންޓަރނޭޝަނަލް އެއަރޕޯޓުގައި ގާއިމުކޮށްފައިވާ ކަމަށް ޓޫރިޒަމް މިނިސްޓަރ އަލީ ވަހީދު ވިދާޅުވެއްޖެ އެވެ.
މިނިސްޓަރ އަލީ ވަހީދު ކުރެއްވި ޓްވީޓެއްގައި ވިދާޅުވީ ޓޫރިޒަމް މިނިސްޓްރީ އާއި ޓޫރިސްޓު ފުލުހުންނާއި އެމްއޭސީއެލް އިން ޓޫރިސްޓުން އައުމާއި ދިޔުމުގެ ކަންކަމުގައި އެހީތެރިވެދޭނެ ކަމަށެވެ. އަދި މިކަމަށްޓަކައި ގާއިމުކޮށްފައިވާ ހޮޓްލައިން ނަންބަރު 9423131 އަށް ގުޅުމަށްވެސް މިނިސްޓަރ ވަނީ ވިދާޅުވެފަ އެވެ.
ޓޫރިސްޓުންނަށް ސަޕޯރޓް ސެންޓަރެއް ޤާއިމްކޮށްފައިވާއިރު މާލެ، ހުޅުމާލެ އަދި ވިލިމާލެ ގެސްޓްހައުސްތަކާއި، ސިޓީ ހޮޓާތަކަށް ބިދޭސީ ފަތުރުވެރިން ޗެކްއިން ވުން ހޮނިހިރު ދުވަހުގެ ރޭ 12:00 އިން ފެށިގެން 14 ދުވަހުގެ މުއްދަތަށް ހުއްޓާލުމަށް ވަނީ އަންގާކަމަށެވެ.
އަދި މިހާރު މިފަދަ ތަންތަނުގައި ޗެކިން ވެފަތިބި ބިދޭސީ ފަތުރުވެރިންނަށް ބުކިންގެ މުއްދަތަށް ތިބުމުގައި އެއްވެސް ނެތް ކަމަށް ވަނީ ބުނެފައެވެ.
