ނައިފަރުގައި މީރާގެ ކަލެކްޝަން ސެންޓަރެއް ހުޅުވައިފި
މީރާގެ މައި އޮފީހުން ދެމުންދާ ހުރިހާ ހިދުމަތްތައް ވެސް އެ ތަނުން ލިބޭނެ
ނައިފަރުގައި ހުޅުވި މީރާގެ ކަލެކްޝަން ސެންޓަރު
ޅ. ނައިފަރުގައި ދައުލަތުގެ ޓެކްސް އިދާރާ، މޯލްޑިވްސް އިންލޭންޑް ރެވެނިއު އޮތޯރިޓީ (މީރާ)ގެ ކަލެކްޝަން ސެންޓަރެއް އަންގާރަ ދުވަހު ހުޅުވައިފިއެވެ.
ނައިފަރު ކަލެކްޝަން ސެންޓަރުގެ ސަބަބުން ނައިފަރާއި އެ އަތޮޅުގައި ދިރިއުޅޭ ފަރާތްތަކަށް މީރާގެ ހިދުމަތް ފަސޭހަކަމާއެކު ލިބޭނެ މަގު ފަހިވެގެން ދާނެ ކަމަށް މީރާއިން ބުނެއެވެ.
އެ ސެންޓަރު ގާއިމްކޮށްފައިވަނީ ޅ އަތޮޅު ކައުންސިލްގެ އިދާރާގައެވެ. އަދި މީރާގެ މައި އޮފީހުން ދެމުންދާ ހުރިހާ ހިދުމަތްތައް ވެސް އެ ތަނުން ލިބޭނެ ކަމަށާއި، ވިޔަފާރިތައް މީރާގައި ރަޖިސްޓްރީ ކުރުމާއި، ޓެކްސް ބަޔާންތައް ބަލައިގަތުމާއި، ޓެކުހުގެ ފައިސާއާ، މީރާއަށް ބަލައިގަންނަ އެހެނިހެން ފައިސާ ބަލައިގަތުމުގެ އިތުރުން ޓެކުހާއި ގުޅުން ހުރި މައުލޫމާތު ބޭނުންވާ ފަރާތްތަކަށް އެ މައުލޫމާތު ފޯރުކޮށްދިނުމުގެ އިންތިޒާމް ހަމަޖެހިފައިވާނެ ކަމަށް މީރާ އިން ބުންޏެވެ.
މީރާގެ އޮފީސްތައް 14 އަތޮޅެއްގައި ޤާއިމުކޮށްފައިވެއެވެ.
