ބްރީތްލައިފްގެ ނަމުގައި ބުރާސްފަތި ދުވަހުގެ ރޭ ފިޓްނަސް ސެންޓަރެއް ހުޅުވައިފިއެވެ.
ރެހެންދި ފްލެޓްގައި ހުންނަ ހުންނަ މި ފިޓްނަސް ސެންޓަރ ހުޅުވާފައިވަނީ ބްރީތްލައިފް ފިޓްނަސް ސެންޓަރުގެ ސީއީއޯ އަދި އެޑިއުކޭޝަނަލް ޝްޕެޝަލިސްޓް ނަހުލާ އަހުމަދުއެވެ.
ނަހުލާ ވިދާޅުވީ ފިޓްނަސް ކްލާސްތައް ބޮޑަށް އަމާޒިކޮށްފައިވަނީ އޮފީސްތަކުގައި އާއި ގޭތެރޭގައި ބުރަކޮށް އުޅުއްވާ ބޭފުޅުންނަށް ކަމަށެވެ. ސްޓްރެސް، ޑީޕްރެޝަން އަދި އުނަގަނޑުގެ ރިހުން ހުންނަ ބޭފުޅުންނަށް ޙާއްސަ ކްލާސްތަކެއް ތައާރަފްކޮށްފައިވާ ކަމަށް ވެސް އޭނާ ވިދާޅުވި އެވެ.
ފިޓްނަސް ސެންޓަރ ހުޅުވުމުގެ ހަފްލާގެ ހާއްސަ މެހެމާން ހީޓް ހެލްތު އެންޑް ފިޓްނަސްގެ ފައުންޑަ އަދި ސީއީއޯ އައިޝަތު ޝިފާނާ ވަޖީހު ވިދާޅުވީ ފިޓްނަސްއަކީ ޖިސްމާނީ އަދި ނަފްސާނީ ދުޅަހެޔޮކަންކަމަށާއި މިހާތަނަށް ހުރިހާ އެންމެންނަށްވެސް ވިސްނިފަ އޮންނަނީ އަދި ބޮޑަށް ސަމާލުވެވެނީ ޖިސްމާނީ ދުޅަހެޔޮކަމަށް ކަމަށެވެ.
ޝިފާނާ އިތުރަށް ވިދާޅުވީ ފިޓްނަސްގެ ތަފާތު އެކި ބައިތަކުން މީހުން ކުރިއަށްދާ ތަން ފެންނާތީ ވަރަށް އުފާވާ ކަމަށާއި ފަޚްރުވެރިވާކަމަށެވެ. އަދި ނަހުލާއާ މެދު ފަޙްރުވެރިވާކަމަށާއި ނަހުލާއަށް އަބަދުވެސް ކުރިއެރުމާއި ބާއްޖަވެރިކަން އެދޭކަމަށެވެ.
"ހިޔާލު ގެންގުޅޭތާ ވަރަށް ގިނަ ދުވަސްވެއްޖެ. ކްލާސް ނަގާ ކޮންމެ ފަހަރަކު ހިތަށް އަރާ މިކަހަލަ ބައިވަރު ކުލާސްތަކެއް ހަދާލެވޭނެ ނަމައޭ. އެކަމަކު އޭރު ބައިވަރު ކުލާސްތައް ނަގާތީ ނޯވޭ ވަކި މިކަހަލަ ބޮޑީ މައިންޑް ފިޓްނަސްއަށް ވަކިން މިހެން ފޯކަސް ކޮށްލެވޭކަށް. ވަރަށް ގިނަދުވަސް ވެއްޖެ ސްޓޫޑިއޯ އެއް ހުޅުވުމުގެ ހިޔާލު ގެންގުޅޭތާ. ގާތްގަނޑަކަށް އެއް އަހަރުވާން އުޅެނިކޮށް ފިޓްނަސް ސެންޓަރު މި ހުޅުވުނީ. ކޮންމެ މީހަކީ ކޮންމެހެން ތެޅި ފޮޅެން ބޭނުންވާނެ މީހެއް ނޫން،" ނަހުލާ ވިދާޅުވި އެވެ.
"ވަރަށް އަރާމު މާހައުލެއްގައި އަރާމުކޮށް ތިބެ ކަސްރަތުކޮށްލަން ބޭނުންވާ ބޭފުޅުންނަށް ސިކުޑީގެ ކަސްރަތަކީ މުހިންމު އެއްޗެއް ނޭވާލާ ކަސްރަތަކީ އެހާ މުހިންމު އެއްޗެއް. ނޭވާލާ ކަސްރަތަކީ ހަކުރުބަލި، ކެންސަރު އަދި ހައިޕް ޓެންޝަން ފަދަ ބަލިތަކަށް އެހީވެދޭނެ އެއްކަންތައް. ޙާއްސަކޮށް ޒުވާން އަދި ކިޔަވާ ކުދިންނަށް ވަރަށް މުހިއްމުވާނެ ބޮޑީ މައިންޑް ފިޓްނަސް ކޮންސެޕްޓް. ކަސްޓަމަރުންނަށް ހުންނާނެ ހާއްސަ ޕެކޭޖްތަކެއް. ކްލާސްތައް ފެށޭނެ ހަވީރު. ކަސްޓަމަރުންނަށް ދޭން ބޭނުންވާ މެސެޖަކީ ފިޓްނަސް ސެންޓަރުގެ ގިނަ ކުލާސްތަކަކީ ބޫޓަށް ނާރާ އޭގެވެސް ބައިވަރު ފައިދާތައް ހުރެގެން، އެއަށްވެސް އަމާޒުކޮށްގެން ކުރިއަށްދާ ކުލާސްތަކެއް. ގޭގަ އެހާ ބުރަކޮށް އުޅެވެފަ އޮފީހުގަ އެހާ ބުރަކޮށް އުޅެފަ އައިސް ހިތްވަރު ނުހުރެދާނެ ތެޅިފޮޅިގެންކުރާ ކަސްރަތުތައް ކުރަން. އެކަމަކު މި ފިޓްނަސް ސެންޓަރުގައި އެކަހަލަ ބަހަނާތަކެއް ދެއްކޭކަށް ނެތް. ސަބަބަކީ ވަރުބަލިކަމާއި ނިދުމާއި އެއްޗެހިދާނެ މިތާގެ ކުލާސްތަކުގައި ބައިވެރިވުމުން."
މި ހަފްލާގައި ބްރީތްލައިފްގެ ހުރިހާ މުވައްޒަފުންނާއި އެކި ފިޓްނަސް ސެންޓަރުތަކުގެ އިސްވެރިން ވަނީ ބައިވެރިވެފައެވެ.
