މާލޭގެ ގެސްޓްހައުސްތަކާއި ސިޓީހޮޓެލްތަކަށް ފަތުރުވެރިން ޗެކިންވުން ހުއްޓާލުމަށް އަންގައިފި
14 މާރިޗު 2020 | ހޮނިހިރު 12:31ފަތުރުވެރިން ޗެކިންވުން ހުއްޓާލުމަށް އަންގާފައިވަނީ 14 ދުވަހުގެ މުއްދަތަށް
ފަތުރުވެރިންތަކެއް ވެލާނާ އިންޓަނޭޝަނަލް އެއަރޕޯޓްގައި
މާލޭގައި (މާލެ، ހުޅުމާލެ، ވިލިމާލެ) ގެސްޓްހައުސްތަކާއި، ސިޓީ ހޮޓެލްތަކަށް ބިދޭސީ ފަތުރުވެރިން ޗެކިންވުން ހުއްޓާލުމަށް ސަރުކާރުން އަންގައިފިއެވެ.
އެޗްޕީއޭއިން ބުނީ މާލޭގައި (މާލެ، ހުޅުމާލެ، ވިލިމާލެ) ގެސްޓްހައުސްތަކާއި، ސިޓީ ހޮޓެލްތަކަށް ބިދޭސީ ފަތުރުވެރިން ޗެކްއިން ވުން ހޮނިހިރު ދުވަހުގެ ރޭ 12:00 އިން ފެށިގެން 14 ދުވަހުގެ މުއްދަތަށް ބިދޭސީ އެއްވެސް ފަތުރުވެރިއަކު ޗެކިން ކުރުން ހުއްޓާލުމަށް އަންގާކަމަށެވެ. އަދި މިހާރު މިފަދަ ތަންތަނުގައި ޗެކިން ވެފައިތިބި ބިދޭސީ ފަތުރުވެރިންނަށް ބުކިންގެ މުއްދަތަށް ތިބުމުގައި އެއްވެސް ނެތް ކަމަށް އެޗްޕީއޭއިން ބުންޏެވެ.
މިއީ ކޯވިޑް-19 އިން ރައްކައުތެރިވުމަށް އާންމު ސިއްޙަތު ރައްކައުތެރިވުމުގެ ޤާނޫނުގެ 34 ވަނަ މާއްދާގެ ދަށުން ޑިރެކްޓަރޖެނެރަލް އޮފް ޕަބްލިކް ހެލްތަށް ލިބިފައިވާ ޤާނޫނީ ބާރުގެ ތެރެއިން އަޅާފައިވާ ފިޔަވަޅެއް ކަމަށް އެޗްޕީއޭއިން މައުލޫމާތުދެއެވެ.
