އިރާގުގެ ބަގްދާދުގެ ޓާޖީ މިލިޓަރީ ކޭމްޕަށް ދިން ރޮކެޓް ހަމަލާތަކެއްގައި ތިން ސިފައިންގެ މީހަކު މަރުވެއްޖެއެވެ.

ގަލްފް ނިއުސްގައި ބުނެފައިވަނީ ބުދަ ދުވަހު އިރާގުގެ ބަގްދާދުގެ ޓާޖީ މިލިޓަރީ ކޭމްޕަށް ވަނީ ގިނަ ރޮކެޓް ހަމަލާތަކެއް ފޮނުވާލާފައެވެ. އެމެރިކާގެ އޮފިޝަލުން ބުނީ މިހަމަލާތަކުގެ ސަބަބުން އެމެރިކާގެ ދެސިފައިން މީހަކާއި، އިނގިރޭސިވިލާތުގެ ސިފައިންގެ މީހަކު މަރުވެފައިވާ ކަމަށެވެ.

މީގެ އިތުރުން އެ ކޭމްޕުގައި ތިބި އެމެރިކާ އަދި ބްރިޓިޝްގެ އިތުރު ސިފައިންގެ ގިނަ ބަޔަކަށް އަނިޔާވެފައިވާ ކަމަށެވެ. ނަމަވެސް މީގެ ކުރިން އިރާގުގެ ސިފައިން ބުނެފައިވަނީ މިހަމަލާތަކުގައި އެއްވެސް މީހަކަށް އަނިޔާވެފައި ނުވާ ކަމަށެވެ.

އިރާގުގައި ހަރަކާތްތެރިވާ އެމެރިކާގެ ސިފައިންގެ ކޭމްޕުތަކަށް ދޭތެރެ ދޭތެރެއިން ދަނީ ހަމަލާތައް ދެމުންނެވެ.