ކޮވިޑް-19: މެލޭޝިއާއިން އައި ދިވެއްސަކު އަލާމަތްތައް ފެނިގެން ކަރަންޓީން ކުރަނީ
11 މާރިޗު 2020 | ބުދަ 20:41އެމީހާ ވަނީ ފަރުކޮޅުފޮއްޓަށް ގެންދެވިފައި
އަމްނާ އިމާދު | 11 މާރިޗު 2020 | ބުދަ 20:41
ފަރުކޮޅުފުށީގައި މީހުން ކަރަންޓީން ކުރަމުންދަނީ
ކޮވިޑް 19 އަށް ޕޮޒިޓިވްވެފައިވާ މީހަކާ އެއް އިމާރާތެއްގައި ހުރުމަށްފަހު އެނބުރި ރާއްޖެ އައި ފަހުން ވައިރަސްގެ އަލާމަތްތައް ފެނުނު ދިވެއްސަކު ކަރަންޓީން ކުރަން ނިންމައިފިއެވެ.
ހެލްތު ޕްރޮޓެކްޝަން އެޖެންސީ (އެޗްޕީއޭ) ބުނީ ކޮވިޑް 19 އަށް ޕޮޒިޓިވްވެފައިވާ މީހަކާ އެއް އިމާރާތެއްގައި ހުރުމަށްފަހު މެލޭޝިއާއިން ރާއްޖެއަށް އައި ދިވެއްސެއްގެ ގައިން ކޮވިޑް-19އަށް ޝައްކުކުރެވޭ އަލާމަތްތައް ފެނިފައިވާ ކަމަށެވެ. އަދި އެމީހާގެ ޓެސްޓްތައް ހެދުމަށް މިހާރު ފަރުކޮޅުފޮއްޓަށް ގެންދިޔުމުގެ މަސައްކަތް ކުރަމުންދާ ކަމަށެވެ.
ދުނިޔޭގެ ހުރިހާ ބައްރެއްގައި ކޮވިޑް-19 ފެނިފައިވާއިރު، މިހާތަނަށް ރާއްޖެއިން 08 މީހަކު ވަނީ ކޮވިޑް-19އަށް ޕޮޒިޓިވްވެފައެވެ.
