ކޮވިޑް-19: މަރުވި މީހުންގެ އަދަދު 2,698 އަށް، ރަނގަޅުވި މީހުންގެ އަދަދު 27,323 އަށް
25 ފެބުރުއަރީ 2020 | އަންގާރަ 05:23ޗައިނާއިން ހޯމަ ދުވަހު މިވައިރަސް ޖެހިގެން މަރުވެފައިވަނީ 71 މީހުން
ކޮރޯނާވައިރަސް އިން ރައްކާތެރިވުމަށް އަންނަނީ ފިޔަވަޅުތައް އަޅަމުން
ހަލުވިކަމާއެކު ފެތުރެމުންދާ ކޮރޯނާވައިރަސް ޖެހިގެން މަރުވި މީހުންގެ އަދަދު 2,698 ށް އަރައިފި އެވެ.
ޗައިނާގެ ނޭޝަނަލް ހެލްތު ކޮމިޝަނުން ނެރެފައިވާ ތަފާސް ހިސާބުތަކަށް ބަލާލާއިރު ޗައިނާއިން ހޯމަ ދުވަހު މިވައިރަސް ޖެހިގެން މަރުވެފައިވަނީ 71 މީހުންނެވެ. މީގެތެރެއިން 68 މީހުންނަކީ ހޫބޭ ޕްރޮވިންސުން މަރުވި މީހުންނެވެ. އެއާއެކު ޗައިނާއިން މިހާތަނަށް މިވައިރަސް ޖެހިގެން މަރުވި މީހުންގެ އަދަދު ވަނީ 2,663 ށް އަރާފަ އެވެ.
ޗައިނާއިން ބޭރު އެހެން ގައުމުތަކުން މިހާތަނަށް މިވައިރަސް ޖެހިގެން މަރުވި މީހުންގެ އަދަދު އުޅެނީ 35 ގަ އެވެ. އެގައުމުތަކަކީ:
ހޯމަ ދުވަހު މިވައިރަސް އަލަށް 508 މީހުންނަށް ވަނީ ޖެހިފައެވެ. މިހާތަނަށް ޗައިނާއިން 77,658 މީހުންނަށް މިވައިރަސް ޖެހިފައިވެ އެވެ. އަދި މުޅި ދުނިޔެއިން މިވައިރަސް ޖެހިފައިވާ މީހުންގެ އަދަދު ވަނީ 80,067 އަށް އަރާފަ އެވެ.
އިއްޔެ ވަނީ ކުވޭތާއި، ބަހްރެއިނާއި، އަފްޣާނިސްތާނާއި، އިރާޤާއި، އޮމާނުން ފުރަތަމަ ފަހަރަށް މި ވައިރަސް ފެނިފައެފެ. އެގޮތުން ކުވޭތުން 3 މީހުން، އޮމާނުން 2 މީހުން، އަދި އިރާޤާއި ބަހްރެއިނުން، ކޮންމެ ޤައުމަކުން އެކަކު ވަނީ މިވައިރަސް އަށް ޕޮޒިޓިވް ވެފައެފެ.
މިހާތަނަށް އާއިރު މިވައިރަސް ޖެހުނު 27,323 މީހުން ވަނީ ރަނގަޅުވެގެން ދޫކޮށްލާފަ އެވެ.
