ޖަރުމަނުގެ ހަނާއު ސިޓީގައި ދިން ބަޑީގެ ހަމަލާތަކެއްގައި 8 މީހަކު މަރުވެއްޖެ
20 ފެބުރުއަރީ 2020 | ބުރާސްފަތި 02:30މިހާދިސާގައި ގުޅިގެން އެއްވެސް މީހަކު ހައްޔަރެއް ނުކުރޭ
ބަޑީގެ ހަމަލާދިން ސަރަހައްދު
ޖަރުމަނުގެ ހަނާއު ސިޓީގައި ދިން ބަޑީގެ ހަމަލާތަކެއްގައި 8 މީހަކު މަރުވެއްޖެއެވެ.
އަލްޖަޒީރާގައި އެގައުމުގެ ފުލުހުންނާއި ހަވާލާދީ ބުނެފައިވަނީ ބަޑީގެ ހަމަލާތައް ދޭން އުޅުނު މީހުން ހޯދުމުގެ މަސައްކަތް ކުރަމުންދާ ކަމަށެވެ. އަދި ހަމަލާދިނީ ކިތައްމީހުން ކަމާއި، ހަމަލާދިން ސަބަބު މިހާތަނަށް ހޯދިފައިނުވާ ކަމަށެވެ.
ބަޑީގެ ހަމަލާދީފައިވަނީ ހަނާއު ސިޓީގެ ފްރޭންކްފާޓް ކައިރި ހިސާބުގައި ހުރި ބާރތަކަށްށެވެ. އެސަރަހައްދަކީ 90،000 ގިނަ މީހުން ދިރިއުޅެމުންދާ ސަރަހައްދެކެވެ.
މިހަމަލާތަކާއި ގުޅިގެން ފުލުހުން ޚާއްސަ އޮޕަރޭޝަނެއް ފަށާފައިވާއިރު، މުޅި އެސަރަހައްދުގައި ފުލުހުން ދަނީ ހަރަކާތްތެރިވަމުންނެވެ. އަދި މިހަމަލާތައް ދިން މީހުން ހޯދުމަށް އާންމުގެ އެހީތެރިކަމަށް ފުލުހުން ވަނީ އެދިފައެވެ.
ހަނާއު ސިޓީގައި ދިން ބަޑީގެ ހަމަލާތަކެއްގައި 8 މީހަކު މަރުވެފައިވާއިރު، 2016 ވަނަ އަހަރުގެ ޑިސެންބަރު މަހުގެ ތެރޭގައި ބާލީގައި ދިން ހަމަލާތަކެއްގައި 12 މީހަކު ވަނީ މަރުވެފައެވެ.
