ކ. މާލެ
|
18 ފެބްރުއަރީ 2020 | އަންގާރަ 21:19
ޝަރިއަތުގެ މަޖިލީހަށް އަދުހަމް ގެންދަނީ
ޝަރިއަތުގެ މަޖިލީހަށް އަދުހަމް ގެންދަނީ
ރާއްޖެއެމްވީ
ގާސިމްގެ މަރުގެ މައްސަލަ
މަސްތުވާތަކެތި ދިން ކަމަށް ބުނެ އަދުހަމް ދައްކާފައިވަނީ އަސްލެއްނެތް ވާހަކަތަކެއް: ފުލުހުން
 
މަސްތުވާ ތަކެތި ގަނެފައި ދިންކަމަށް އަދުހަމް ދައްކަނީ ހަޤީގަތާއި ޚިލާފް ވާހަކަތެކެއް ކަމަށް ފުލުހުން ބުނި
 
އަދުހަމްގެ މައްޗަށް ކުށް ސާބިތު ކުރެވޭ ވަރަށް އެކަށީގެންވާ ޤަރީނާ އެބަހުރިކަމަށް ފުލުހުން ބުނި

ޓެކްސީ ޑްރައިވަރު، 59 އަހަރުގެ ގާސިމް ހަސަން މަރާލި މައްސަލާގައި ކުށުގެ ދައުވާ އުފުލާފައިވާ ޅ. ހިންނަވަރު، ބޮޑުހިޔާގެ، އަދުހަމް މުހައްމަދު (21 އ) އަށް ފުލުހުން މަސްތުވާ ތަކެތި ގަނެފައި ދިންކަމަށް ބުނާ ވާހަކަތައް ފުލުހުން ދޮގޮކޮށްފިއެވެ.

ފުލުހުން އެކަން ދޮގުކޮށްފައި މިވަނީ އަންގާރަ ދުވަހު އޮތް ޝަރީއަތުގެ އަޑުއެހުމުގައި ފުލުހުންގެ މައްޗަށް އަދުހަމް ކޮށްފައިވާ ތުހުމަތު ތަކާއި ގުޅިގެންނެވެ.

ފުލުހުން ބުނެފައިވަނީ ގާސިމް މަރާލި މައްސަލައިގައި އަދުހަމް ޝަރީޢަތުގައި ދައުވާއަށް އިންކާރު ކުރި ކަމުގައި ވީނަމަވެސް، އެ މައްސަލައިގައި އަދުހަމްގެ މައްޗަށް ކުށް ސާބިތު ކުރެވޭ ވަރަށް އެކަށީގެންވާ ޤަރީނާ އެބަހުރި ކަމަށެވެ.

ފުލުހުން އަދުހަމަށް މަސްތުވާތަކެތި ގަނެފައި ދިން ކަމަށް ބުނެ އަދުހަމް ޝަރީޢަތުގައި ދައްކާފައިވާ ވާހަކަ ތަކަކީ އެއްވެސް އަސްލެއް ނެތް ހަޤީގަތާއި ޚިލާފު ވާހަކަތަކެއް ފުލުހުން ވަނީ ބުނެފައެވެ.

ތޫނުއެއްޗެއް ބޭނުންކޮށްގެން ގަސްދުގައި މީހަކު މަރާލުމުގެ ކުށުގެ ދައުވާއާ ގުޅިގެން އަދުހަމްގެ މައްޗަށް ކުރާ ދައުވާ އާއި، ކުށް ސާބިތު ކުރަން ޕްރޮސެކިއުޓަރ ޖެނެރަލް (ޕީޖީ)ގެ އޮފީހުން ހުށަހަޅާ ހެއްކާއި ގަރީނާތަކާއި އަދި އަދުހަމުގެ އިއުތިރާފުގެ ބަޔާން މިދިޔަ ބުދަ ދުވަހު ކްރިމިނަލް ކޯޓުގައި ބޭއްވި އިބްތިދާއީ އަޑުއެހުމުގައި ވަނީ އިއްވުމުން ތަކުރާރުކޮށް، އަދުހަމް ގާތު އެމައްސަލަ ބައްލަވާ ގާޒީ އިސްމާއީލް ރަޝީދު އެއްސެވުމުންވެސް އަދުހަމް އެދުވަހު ވަނީ ދައުލަތުން އޭނާގެ މައްޗަށް ކޮށްފައިވާ ދައުވާއާއި ގާސިމް މަރާލުމުގައި އަދުހަމް އަމަލުކޮށްފައިވާ ގޮތުގެ ބަޔާނާއި އަދި ޕީޖީ އޮފީހާއެކު އަދުހަމް ވެފައިވާ އިއުތިރާފުގެ އެއްބަސްވުން އެއީ އޭނާއަށް އެއްވެސް މަޖުބޫރުކަމެއް ނެތި ދީފައިވާ ބަޔާންތަކެއް ކަމަށާއި އެހުރިހާ ކަމަކަށް އިއުތިރާފްވާ ކަމަށް ބުނެފަ އެވެ.

ނަމަވެސް އަންގާރަ ދުވަހު އޮތް ޝަރިއަތުގެ މަޖިލީހުގައި އަދުހަމް ބުނެފައިވަނީ އިބްތިދާއީ އެ އަޑުއެހުމުގައި އޭނާ ދެއްކި އެއްވެސް ވާހަކައަކީ އޭނާ ހަމަހޭގައި ހުރެގެން ދެއްކި ވާހަކަތަކެއް ނޫން ކަމަށާއި، އެއީ އޭނާ މަސްތުގެ ހާލުގައި ހުރެގެން ދެއްކި ވާހަކަތަކެއް ކަމަށެވެ. އަދުހަމް ބުނީ އެންމެ ފަހުން ބޭއްވި އިބްތިދާއީ އަޑުއެހުމާ ހަމައަށް އޭނާ ހުރީ ފުލުހުންގެ ބެލުމުގެ ދަށަގަ ކަމަށެވެ. އެދުވަސްތަކުގައި އޭނާއަށް މަސްތުވާތަކެއްޗާއި، ސިނގިރޭޓާއި ސުޕާރީފަ ދަ ތަކެތި އޭނާއަށް ފުލުހުން ފޯރުކޮށްދީފައިވާ ކަމަށެވެ.

އަދުހަމް ބުނީ އޭނާ ހައްޔަރުކޮށް، ފުލުހުންގެ ބެލުމުގެ ދަށުން ބަންދުގެ މުއްދަތު އިތުރުކުރުމަށް ކޯޓަށް ހާޒިރު ކުރި ދުވަހަކު ކޯޓުގައި ވެސް "ހާއްސަ އިނާޔަތްތައް" އަދުހަމަށް ދެމުންދާ ކަމަށް ފުލުހުން ބުނެފައިވާނެ ކަމަށެވެ. އެ ހާއްސަ އިނާޔަތަކީ އަދުހަމް ބުނާގޮތުން އެއީ މަސްތުވާތަކެއްޗާއި ސިނގިރޭޓާއި ސުޕާރީ ފަދަ ތަކެއްޗެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: އަބުދުﷲ ނަސީރު އިބްރާހިމް
100%
0%
0%
0%
0%
0%
ކޮމެންޓް