ސަރުކާރަށް ގިނަ ގުނަ ޚިދުމަތްތަކެއް ކުރައްވާފައިވާ ބެފުޅެއް ކަމުގައި ކދ އަހުމަދު މަނިކު އަވަހާރަވެއްޖެއެވެ.
ރާއްޖެ އެމްވީއަށް މައުލޫމާތު ލިބިފައިވާ ގޮތުގައި ކދ އަހުމަދު މަނިކު އަވަހާރަވެފައިވަނީ ހިތްޕުޅުގެ އާލާސްކަންފުޅަކަށް އޭޑީކޭގައި ފަރުވާ ހޯއްދަވަމުން ގެންދަވަނިކޮށް ހޮނިހިރު ދުވަހުގެ ހަވީރުގެ ވަގުތެއްގައެވެ.
ކދ އަހުމަދު މަނިކަކީ ދިވެހި ސަރުކާރުގެ މަތީ މަޤާމަތްކެއް ފުރުއްވާ ސަރުކާރުގައި ގިނަ ދުވަސްތަކެއް ހޭދަކުރެއްވި ބޭފުޅެކެވެ.
އެގޮތުން ފާހަގަ ކޮށްލެވޭ ބައެއް މަޤާމްތަކުގެ ތެރޭގައި ސިފައިންގޭގެ މަތީ މަޤާމްތަކާއި، ކޮންޓްރޯލަރ އޮފް އިމިގްރޭޝަން އެންޑް އެމިގްރޭޝަން ކަމާއި ޕަބްލިކް ވޯކްސްގެ ނައިބު ކަމުގެ އިތުރުން ސްޕޯޓްސް ޑިވިޜަންގައި މަސައްކަތް ކުރެއްވިއެވެ. މީގެ އިތުރުން ކޮމިޝަނަރ އޮފް އިލެކްޝަންގެ މަގާމުވެސް ކދ. އަހްމަދު މަނިކު އަދާކުރެއްވި މަގާމުތަކުގެ ތެރޭގައި ހިމެނެއެވެ.
މީގެ އިތުރުން ރައްޔިތުންގެ މަޖިލީހުގެ ހދ އަތޮޅުގެ މެންްބަރުކަންވެސް ކުރައްވާފައިވާ ކދ އަހުމަދު މަނިކަކީ މޮޅު ފޮޓޯގްރާފަރެއްވެސް މެއެވެ.
ކދ އަހުމަދު މަނިކަކީ ވަރަށް ދުވަސްވީ ރަހުމަތްތެރިއެއް ކަމަށާއި އޭނާ އަވަހާރަވީ ޚަބަރު ލިބުމުން ވަރަސް ފުން ހިތާމައެއް ލިބިވަޑައިގެންނެވިކަމަށް ރައީސް މައުމޫނު ވަނީ ވިދާޅުވެފައެވެ. އެމަނިކުފާނު ކުރެއްވި ޓްވީޓެއްގައި ވިދާޅުވެފައިވަނީ ކދ އަހުމަދު މަނިކަކީ ސަރުކާރަށް ވަރަށް ގިނަ ދުވަހު ޚިދުމަތް ކުރައްވާފައިވާ ބޭފުޅެއް ކަމަށާއި އޭނާގެ ޢާއިލާއަށް ކެތްތެރިކަން ދެއްވައި އެފުރާނައަށް ރަހުމަތް ލެއްވުން އެދިވަޑައިގަންނަވާ ކަމަށެވެ.
Saddened by passing of my boyhood friend & long time govt servant KD Ahmed Manik. May Allah bless his soul! Condolences to family & friends.
— Maumoon Abdul Gayoom (@maumoonagayoom) March 25, 2017
