މާލޭގެ މަގުތައް މިހާވަރަށް ވެސް ތަރުތީބުވެފައި އޮތީ ފުލުހުންގެ މަސައްކަތުން: ފުލުހުން
މާލޭގެ ހުރިހާ މަގުތަކާއި ގޯޅިތައް ނުބެލެހެއްޓޭ: ފުލުހުން
ފުލުހުން ގައުމީ ތަރައްގީއާއި ތަރިކައިގެ ކޮމިޓީ ގައި
މާލޭގެ މަގުތައް މިހާވަރަށް ވެސް ތަރުތީބުވެފައި އޮތީ ފުލުހުންގެ މަސައްކަތުން ކަމަށް މޯލްޑިވްސް ޕޮލިސް ސަރވިސްގެ ސުޕްރިންޑެންޓް އޮފް ޕޮލިސް ހުސެއިން ސަމީރު ވިދާޅުވެއްޖެއެވެ.
އަންގާރަ ދުވަހުގެ ގައުމީ ތަރައްގީއާއި ތަރިކައިގެ ކޮމިޓީގައި ގެމަނަފުށި ދާއިރާގެ މެމްބަރު އަޙްމަދު ސަޢީދު ކުރެއްވި ސުވާލަކަށް ޖަވާބުދެއްވަމުން ސުޕްރިންޑެންޓް އޮފް ޕޮލިސް ހުސެއިން ސަމީރު ވިދާޅުވީ މާލޭގެ ހުރިހާ މަގުތަކާއި ގޯޅިތައް ނުބެލެހެއްޓޭކަމަށެވެ.
ނަމަވެސް އަމީނީމަގާއި މަޖީދީ މަގުފަދަ، މީހުން އާއްމުކޮށް ދަތުރުކުރާ މަގުތައް ގަޑިންގަޑިއަށް މޮނިޓަރ ކުރަމުންދާ ކަމަށެވެ. ސަމީރު ވިދާޅުވީ މިހާރު ހުރި ވަސީލަތްތަކުގެ ސަބަބުން އެންމެ އެކަށީގެންވާ ވަރަށް ނުކުރެވުނު ނަމަވެސް، މާލޭގެ މަގުތައް މިހާވަރަށް ވެސް ތަރުތީބުވެފައި އޮތީ ފުލުހުންގެ މަސައްކަތުން ކަމަށެވެ.
އިތުރަށް ވާހަކަދައްކަވަމުން ސަމީރު ވިދާޅުވީ އެގައުމެއްގެ ގާނޫނު ތަންފީޒުކުރާ މިންވަރު ދެނެގަންނަ ލޯގަނޑަކީ މަގުމަތި ތަރުތީބުވެފައި އޮތުން ކަމަށެވެ. ސްޓިކަރ ޖަހަމުންގެންދަނީ ގާނޫނީގޮތުން ލިބޭ ބާރުގެ ދަށުން ކަމަށާއި ސްޓިކަރ ޖަހައިގެން ފުރިހަމަ ހައްލެއް ނައިނަމަވެސް ބައެއް މައްސަލަތަކަށް ސްޓިކަރ ޖަހައިގެން ހައްލު އަންނަ ކަމަށް އޭނާ ވިދާޅުވިއެވެ. އޭނާ ވިދާޅުވީ ބޮޑުކޮށް އެމަންޒަރު ފެންނަން ނެތީ ކަމަށެވެ.
އަންގާރަ ދުވަހުގެ ގައުމީ ތަރައްގީއާއި ތަރިކައިގެ ކޮމިޓީގައި ދިރާސާ ކޮށްފައިވަނީ އެއްގަމު ދަތުރުފަތުރުގެ ގާނޫނަށް އިސްލާހު ގެނައުމުގެބިލެވެ. މިބިލާއި ގުޅިގެން މަޝްވަރާ ކުރުމަށް މިނިސްޓްރީ އޮފް އެންވަޔަރަމެންޓް، މިނިސްޓްރީ އޮފް ޓްރާންސްޕޯޓު، އެޓަރނީ ޖެނެރަލްގެ އޮފީހުގެ އިތުރުން ކަމާބެހޭ އިދާރާތައް ހާޒިރުކޮށްފައިވެއެވެ.
