ރާއްޖެ
އެކްސިޑެންޓް
މާލޭގައި ހިނގި ނުރައްކާތެރި އެކްސިޑެންޓެއްގައި ޒަޚަމްވި ޒުވާނަކު ނިޔާވެއްޖެ
ނިޔާވެފައިވަނީ އުމުރުން 26 އަހަރުގެ ޒުވާނެއްކަމަށް މައުލޫމާތު ލިބޭ
އާއިޝަތު ޝިއުރާ, ރާއްޖެ އެމްވީ | 15 ފެބުރުއަރީ 2020 | ހޮނިހިރު 22:54
ޕޮލިސް
މާލޭގައި ދެ ސައިކަލެއްޖެހި މިރޭ ހިނގި އެކްސިޑެންޓުގައި ޒަޚަމްވި ޒުވާނަކަށް ފަރުވާދެމުން ދަނިކޮށް ނިޔާވެއްޖެ އެވެ.
ނިޔާވެފައިވަނީ އުމުރުން 26 އަހަރުގެ ޒުވާނެއްކަމަށް މައުލޫމާތު ލިބެއެވެ. އޭނާ މަރުވީ އެކްސިޑެންޓްގައި ލިބުނު ސީރިއަސް އަނިޔާތަކަށް އައިޖީއެމްއެޗްގައި ފަރުވާ ދެމުންދަނިކޮށެވެ. މިރޭ އެކްސިޑެންޓް ހިނގީ ދެ “ޕީޓްރަލް” ސަރަހައްދު، ބުރުޒު މަގުގަ އެވެ. މިއެކްސިޑެންޓް ހިނގާފައިވަނީ މިރޭ 10:30 ހާއިރުކަމަށް މައުލޫމާތު ލިބެއެވެ.
މިއެކްސިޑެންޓްވި ދެ ސައިކަލްގައި ތިބި މީހުންނަށް އަނިޔާވެފައިވާކަމަށް މައުލޫމާތު ލިބެއެވެ. މިއެކްސިޑެންޓާއި ގުޅޭ އިތުރު މައުލޫމާތެއް އަދި ވަނީ ލިބޭގޮތް ނުވެފަ އެވެ.
