އަންގާރަ 25 ފެބުރުއަރީ 2020
ހިޔަވިހާ 12
1441 ރަޖަބު 02
ފަތިސް 05:05
އިރުއަރާ 06:17
މެންދުރު 12:23
އަސްރު 15:38
މަޣްރިބް 18:22
އިޝާ 19:34
ކުޅިވަރު - ޔުވެންޓަސް

ޔުވެންޓަސްއިން ގާޑިއޯލާ އަށް ފާރަލަނީ!

  • ޔުވެންޓަސްގެ އަމާޒަކީ ޗެމްޕިއަންސް ލީގު

އަތޫފް އާތިފް
AthifAthoof

ކ. މާލެ 11 ފެބުރުއަރީ 2020 | އަންގާރަ 19:40 2,115

ގާޑިއޯލާ ޗެމްޕިއަންސް ލީގު ތަށްޓާއިއެކު - ގެޓީ އިމޭޖާސް

އިޓަލީގެ ޗެމްޕިއަން ޔުވެންޓަސްއިން އެޓީމުގެ ކޯޗު މައުރީޒިއޯ ސާރީ ވަކިކޮށް އެމަގާމަށް ސިޓީގެ ކޯޗު ޕެޕް ގާޑިއޯލާ ގެންނަން އުޅޭ ކަމަށް މީޑިއާ ރިޕޯޓްތައް ބުނެފިއެވެ.

މީޑިއާ ރިޕޯޓުތައް ބުނާ ގޮތުން ޔުވެންޓަސްއިން ގާޑިއޯލާގެ އިތުރުން އެޓީމުގެ ކުރީގެ ކޯޗު މަސިމިލިއާނޯ އެލެގްރީއަށް ވެސް އަންނަނީ ފާރަލަމުންނެވެ. މި ދެ ކޯޗުންނަކީ ތައްޓާއި ރައްޓެހި ދެކޯޗުންނެވެ. މީގެ ކުރިންވެސް ޔުވެންޓަސްއިން ވަނީ ގާޑިއޯލާއަށް ފާރަލައިފައެވެ. ނަމަވެސް ސާރީ އެޓީމަށް ގެނައީ ތަށްޓާއި ދުރު ނަމަވެސް ރީތި ސްޓައިލަކަށް ފުޓުބޯޅަ ކުޅުވާ ކޯޗަކަށް ވުމާއިއެކު ޔުވެންޓަސްގައި މިވަގުތު އޮތް ވަރުގަދަ ސްކޮޑާއެކު ކާމިޔާބު ހޯދޭނެ ކަމަށް ބަލައިފައެވެ.

ރިޕޯޓުތައް ބުނާ ގޮތުން ޔުވެންޓަސްގެ ގިނަ ބޯޑު މެންބަރުން ބޭނުންވަނީ އެޓީމުގެ ކުރީގެ ކޯޗު އެލަގްރީ ގެންނާށެވެ. އަނެއްކޮޅުން އެލަގްރީ އަށް ގިނަ އޮފަރތަކެއް އަންނާތީ، އޭނާ މިވަގުތު ޔުވެންޓަސް ކޮންޓްރެކްޓްގައ ހުރުމުން އޭނާ ގެނައުމަށް ޔުވެންޓަސްއަށް އުނދަގޫ ނުވާނެއެވެ.

އަނެއްކޮޅުން ޔުވެންޓަސްގެ އިތުރު ބޯޑު މެންބަރުން ބޭނުންވަނީ ސާރީ މި ސީޒަން ނިމެންދެން ބެހެއްޓުމަށެވެ. އަދި މި ސީޒަން ނިމުމުން ސާރީ އާއިއެކު ހަދާފައިވާ ކޮންޓްރެކްޓް ނިމުމަކަށް ގެނެސް ސިޓީގެ ކޯޗު ޕެޕް ގާޑިއޯލާ އެމަގާމަށް އައްޔަނު ކުރުމަށެވެ. މި ސީޒަނުގައި ސިޓީން ނެރެމުންދާ ދަށް ނަތީޖާތަކުގެ ސަބަބުން ސީޒަން ނިމުމާއެކު ސިޓީގެ ކޯޗުކަމުގެ މަގާމުން އޭނާ ވަކިކުރުމަށް އުޅޭ ކަމުގެ އަޑު ވަނީ ގަދަވެފައެވެ.

ޔުވެންޓަސްގެ އެންމެ ބޮޑު އަމާޒަކީ، ޗެމްޕިއަންސް ލީގު ހޯދުމެވެ. ޗެމްޕިއަންސް ލީގު އެންމެ ފަހުން ޔުވެންޓަސްއަށް ކާމިޔާބު ކުރެވިފައިވަނީ 1996 ވަނަ އަހަރެވެ. މި މުބާރާތް ކާމިޔާބުކުރުމަށް ޔުވެންޓަސްއިން އަންނަނީ ބޮޑު ހޭދައެއް ކުރަމުންނެވެ. އެހެންވެ، ޔުވެންޓަސްއިން ވަނީ މި މުބާރާތް ފަސް ފަހަރު ކާމިޔާބުކޮށްފައިވާ މި މުބާރާތުގެ އެންމެ ކާމިޔާބު ކުޅުންތެރިޔާ ކްރިސްޓިއާނޯ ރޮނާލްޑޯ ވެސް އެޓީމަށް ގެނަސްފައެވެ.

އެންމެ ފަހުން އަޕްޑޭޓް ކުރީ: 2 ހަފްތާކުރިން | ރިވިއު ކުރީ: ޒިހްނަތު ހަސަން

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 3007773 ނަންބަރަށް ގުޅުއްވާ.

ކޮމެންޓް