އިނގިރޭސިވިލާތުން ދިވެހިރާއްޖެއަށް ކަނޑައަޅުއްވާފައި ހުންނަވާ އެމްބެސެޑަރ، ކެރޮން ރޮސްލާ، ޗީފް އޮފް ޑިފެންސް rފޯސް މޭޖަރ ޖެނެރަލް ޢަބްދުﷲ ޝަމާލުއާ މިއަދު ބައްދަލުކުރައްވައިފިއެވެ.

ބަންޑާރަކޮށީގައި ކުރިއަށްދިޔަ މި ބައްދަލުވުމުގައި، އެމްއެންޑީއެފްގެ ޤާބިލuކަން އިތުރު ކުރުމަށް އެހީތެރިކަން ފޯރުކޮށްދެވިދާނެ ދާއިރާތަކާ ގުޅޭ ގޮތުން ދެ ބޭފުޅުން މަޝްވަރާކުރެއްވިއެވެ. އަދި، އެމްއެންޑީއެފްގެ އިސްތިރާޖީ މިޞްރާބާ ބެހޭގޮތުންނާއި، މެރިޓައިމް ސެކިޔުރިޓީ އަދި ކައުންޓަރ ޓެރަރިޒަމްއާ ގުޅޭ ގޮތުން ދެ ޤައުމުގެ ގުޅުން ބަދަހިކުރެވިދާނެ ދާއިރާތަކާ ބެހޭގޮތުން ވެސް ދެ ބޭފުޅުން ވަނީ މަޝްވަރާކުރައްވާފައެވެ.

އަންގާރަ ދުވަހު މި ބައްދަލުކުރެއްވުމުގައި، ޗީފް އޮފް ޑިފެންސް ފޯރސްގެ އަރިހުގައި، އެމްއެންޑީއެފް ޑައިރެކްޓްރޭޓް އޮފް އޮޕަރޭޝަންސް އެންޑް ޓްރޭނިންގގެ ޕްރިންސިޕަލް ޑައިރެކްޓަރ ކާނަލް އަޙްމަދު ޣިޔާޞްއާއި، އެމްއެންޑީއެފް ޑައިރެކްޓްރޭޓް އޮފް ޕްލޭންސް، ޕޮލިސީ އެންޑް ރިސޯސް މެނޭޖްމަންޓުގެ ޕްރިންސިޕަލް ޑައިރެކްޓަރ ލެފްޓިނެންޓް ކާނަލް ޙަސަން އާމިރު އަދި، ޑިޕާޓްމަންޓް އޮފް އިންޓަރނޭޝަނަލް ޑިފެންސް ކޯޕަރޭޝަންގެ ޑައިރެކްޓަރ، މޭޖަރ މުޙައްމަދު ފަހުމީ ބައިވެރިވެވަޑައިގެންނެވިއެވެ.